Bejondeigula!, Barakaldoko Udal Gorenak, herriko
euskaldun-euskaltzaleon ardurak eta ahaleginak asebete
nahirik, bat egin du Bizkaiko Aldundiaren kanpainarekin:
EUSKARARIK ONENA, ZEUREA, eta hona hemen lehenengo
emaitzak (ikus argazkia).
EZ ZAKURRIK SARTZEN!!! Lekeition lekeitieraz, Arratian
arratieraz, Gernikan gernikeraz eta Barakan... bar(r)akeraz,
noski.
Hizkuntz azterlan mamitsuak egin ondoren, gure udalekoek
azken hamarkadetan artez edo moldez, eta berez, osatu
den Barakaldoko azpieuskalkiari eutsi dio. Adibidez,
gauza jakina zen honelakoak erabiltzen ditugula barakaldarrok:
- las txornas (txosnak)
- (l)agüiti (goitibehera)
- lartxaina (Ertzaintza)
- frontón barakaldés (Anaien Parkeko
frontoiko letreroan)
- Retuertoko biblioteka (Errekaortuko liburutegiko
letreroan
- Hay bokatas, pintxos y kalimotxo (edozein tabernatan)
- eta abar
EUSKARARIK ONENA, ZEUREA. Euskaldunok konplejuak
eta lotsak erantzi behar ditugunez (eta bai egia!)
Gure udalak ondo asko erakutsi du hainbat alorretan
ez duela konplejurik eta are gutxiago lotsarik.
Total, denok dakigu que el euskera es tan erreza como
ponerle muchas k y tx a edozein berbari y ponerle
guztiari el aditza amaieran.
Detxeparek idatzi zuenez DEBILE PRINCIPIUM MELIOR
FORTUNA SEQUATUR.
EZETZ ASMATU
1 - Groenlandia, lur berdea, izotz eta elurrez estalitako
irla erraldoia dugu. Zergatik orduan bataiatu zuten
izen horrekin?
2 - Marraskilo batek 20 metroko enbor baten puntara
igo nahi du. Egunean 5 m. egiten ditu gora, baina
gauean 4m. beherago jeisten da, lo geratzen baita.
Zenbat egun behar ditu enborraren punturrera iristeko?
Konponbideak
1- 982tik inguru, Erik Gorria norbegiarrak Groenlandia
deskubritu zuen. Interes handia zuen bere jandea han
bizitzea, hori zela eta bere herkideen begietara "erakargarriagoa"
egiteko Groenladia "lur berdea" izena eman
zion irlari.
2- 16 egun: 15 egun 15 m. ibiltzeko. 16.ean, 5 m.
beteko dituenez egunez, ilundu baino lehenago iritsiko
da..
Galde Debalde Lehiaketa
Euskarri aldizkariaren aurreko zenbakia sail berria
zabaldu genuen: “Galde debalde” lehiaketa.
Horren helburua irakurzaletasuna bultzatzea da, eta
horretarako, Elkarlanean argitaletxeari esker, aldizkariaren
zenbaki bakoitzean liburu pare bat zozketatuko dugu
literaturarekin zerikusia duen galderari zuzen erantzuten
asmatzen dutenen artean.
Aurrekoan, “Lur bat haratago” eleberriaren
egilearen izena eskatzen genuen, eta zuetako askok
ondo baino hobeto asmatu duzue zein zen erantzun zuzena:
Joan Mari Irigoien. Erantzun zuzena bidali diguzuen
artean Unai Elorriagaren “SP-rako tranbia”
liburuaren ale bi zozketatu ditugu, eta irabazleak
honako hauek izan dira:
  |
| Jose
Juan Garcia eta Gorane Santiesteban Ortiz |
Oraingoan, Gotzon Garateren “India harrigarria”
liburuaren ale bi dauzkagu zuen artean banatzeko.
“Lurralde miresgarririk, amesgarririk ikusi
nahi baduzu, zoaz Indiara", esaten digu egileak
liburuaren hasieran. India sagaratua, India misteriotsua,
fakirren, Budaren, behien, kasten lurraldea, zeruaren
ederra eta infernuaren latza elkartzen dituen herria.
Hindi hizkuntza ikasteko asmoz joan zen Gotzon Garate
Indiara, eta jendearen istorio eta bitxikeriekin osatu
du liburu hau, Indiaren alderdi harrigarria marrazten
diguna; ez da hor makurkeriarik falta, hala nola emakumeen
bazterketa, haurren miseria edo kasten arteko arrazakeria,
baina ilun horrek berezkoa du argia ere: bizi-pozez
eta bihotz zabalez hornituriko Indiako gizateria.
Liburu honen ale bat eskuratu nahi baduzu, esaguzu
zein den galdera honentzako erantzun zuzena:
Harkaitz Cano idazleak denetarik idatzi du
orain arteko ibilbidean: eleberriak, kronikak, gidoiak...
eta poesia ere bai. Jarraian datozen liburuen artean
bat poesia liburua da. Zein?
-“Norbait dabil sute-eskaileran”.
-“Pasaia blues”
-“Piano gainean gosaltzen”
Bidali zure erantzuna honako helbide honetara: Euskarri
aldizkaria. 175 posta kutxa. 48902 Barakaldo
(Bizkaia) edo e-mail bat bidali sasiburu@euskalnet.net
helbide elektronikora. Zuzen erantzuten dutenen artean
“India harrigarria” liburuaren ale bi
zozketatuko ditugu.
.
