doinua: habanera

Atal berria dugu hau ta gaur gure aurkezpena bi bertsotan azalduko dugu zertan datzan dena nahiz ta zaila iruditu bertsoa ez da zailena heltzen da leku askotara sortzen digu gozamena bertsoa ezagutzeko aukera hau duzu onena asmoa ederra bada HASI bertso eskolarena ikastaro trinkotsu bat izango da lehena ta gero egingo dugu zuek gura duzutena

“Txikitin Parian” bada bai hemengo ta hangoa txoko xume honetatik gure mezua badoa, bertsotan alaitu leike lagunartean giroa zuek ondo pasatzea bada daukagun gogoa HASI bertso eskolako giroa bada beroa hau ez da izaten sinist gauza oso arraroa hau ez da izango soilik bertsoen ikastaroa hau da bertsolaritzenran berri gune oparoa

Hemen dituzue ostiral gau batean lagunen konpainian eta kandela batzuk lekuko zirela, geure irudimenak idatzitako bi olerki eta aspaldian Japoniarrek asmaturiko estrofa pare bat. Normalean hiru bertsolerroz osatuak dira. Berton oraina eta momentua azaltzen dira, iragan zein etorkizuna ahantziz; zentzuak ditugu hemen haikuen ardatz, unea heldu nahia. Hona hemen Errekaortu Gaztetxeko literatur tailerrak egindako exenplu batzuk:

Kausitutako larrua geldiro ferekatzen du
Gelditasun hura urrinetik antzeman dezaket
Amestu ezineko desiratik,
Inguruan ezer somatu gabe
Ihes egin du.
Beltzez mozorroturik
Euriak zolatutako karrika iragan
Eta bazterren kontra eztabaidan diharduzu
Kantoiaren zorraren bila
Zalantzen artean jauzika.

Egunsentian
Haizeak loreen uztak
xamurtasunez laztantzen ditu
Toki hura,
Soilik esistitzen da
Abesten dutenen
Itxaropenaren barruan.

Ilargirik gabeko gauean
Maindireak daude
Airean lehortzen

Beste zigarro bat
Eta kea,
Norbait sakabanatzen da