Adibidez, joan den abenduan jakin genuen Udaltzaingoak
zerbitzu berezi bat jarri duela abian, gauez gure
herriko kale-kantoiak goitik behera eta behetik gora
zeharkatzeko. Eta zein da gure udaltzain bipil, ausart
eta gangarren zeregina zerbitzu berezi horretan? Bada...
kalean txiza egiten dutenak harrapatu eta isuna jartzea.
Bai, jaun-andreok, hemendik aurrera, kalean txiza
egiten harrapatzen dutenak 300 euro ordaindu beharko
du, eta alkateak iragarri du gogor oldartuko zaizkiela
ohitura zikin hori dutenei. Beraz, datorren larunbat
gauean txiza putzu baten ondoan harrapatzen bazaituzte,
hobe duzu koartada sinesgarri bat edukitzea edo osterantzean
inork ez zaitu isuna ordaintzetik libratuko. Are gehiago:
zurrumurruek diotenez, udaltzainek baimena izango
dute susmagarriaren galtzontzilo edo kuleroak arakatzeko,
gernu arrastoak topatze aldera. Eta zalantzarik badago,
beti geratzen da ADNaren froga egiteko aukera, aldameneko
bazterrak zikintzen dituen txiza zurea ote den jakiteko.
Dena dela, gure udal agintariek azaroaren erreotara
jo nahi dute, eta gogoeta asko egin ostean ondorio
ukaezin batera ailegatu dira: zergatik egiten du txiza
jendeak? Argi dago; edaten duelako! Beraz, lehen aipatutako
neurri zorrotzez gain, beste ideia distiratsua bururatu
zaie, eta edaten harrapatzen dituzten adin txikikoen
gurasoei gutunak bidaltzen hasi dira, Carlos Pera
alkate jaunaren sinadura eta guzti. Gutunaren testua
ez da txantxetakoa, gero:
 |
 |
Oso ideia ona, bai horixe. Hemendik proposamen xume
bat egin nahi diegu gure udal agintariei: gutunen
sistema hau, edaten duten gazteen kasura murriztu
beharrean, beste zenbait kasutan ere aplikatzea. Esaterako,
demagun udaltzainek gazte bat lapurretan harrapatzen
dutela. Bada, gurasoei eskutitza bidali eta kito.
Gainera, gutunaren testua bestearen antzekoa ere izan
daiteke: “Zure alaba (edo semea) lapurretan
harrapatu dugu. Honek ez zaituzte aztoratu behar,
lapurtzea guztiz orokorturik dagoelako gure inguruan
eta denok, noiz edo noiz, lapurtu egin dugulako”.
Eta alkateak sinatu. Hori bai izango litzateke delituaren
prebentzioan aurrerapausoak egitea!
Lehiaketa
Aurrekoan Euskarriren alean, Harkaitza Cano idazlearen
idatzitako liburu guztien artean zein zen poesia liburua galdetzen genuen. Jasotako
eskutitz eta mezu elektroniko guztien artean zuetako
askok asmatu duzue zein zen erantzun zuzena: “Norbait
dabil sute-eskaileran” Erantzun zuzena bidali
diguzuen artean Gotzon Garateren “India Harrigarria”
liburuaren ale bi zozketatu ditugu, eta irabazleak
honako hauek izan dira:
  |
| Carlos Rodriguez Molina eta Silvia Tejeda Cantalapiedra |
Berriro ere, Elkarlanean argitaletxeari esker, liburu
batzuk dauzkagu zuen artean zozketatzeko. Oraingoan,
Jon Arretxeren Larunbatak izeneko liburuaren ale bi
dauzkagu zuen artean banatzeko. Ostegunak eta Ostiralak
ipuin-bildumek izugarrizko arrakasta izan baldin bazuten
euskal irakurleen artean, hona haien segida, trilogia
ixtera datorren nobela. Larunbatak ez da ipuin-liburua,
hala ere: nobela bat da, eta bere berezitasunen artean
dago txakur bat izatea bertako protagonista eta narratzaile;
hemen kontatzen zaizkigun istorioak ez dira ordea
animalien kontuak, hankabikoen komeriak baizik, modu
barregarri bezain alaian azalduak.
Liburu honen ale bat eskuratu nahi baduzu, esaguzu
zein den galdera honentzako erantzun zuzena:
Non jaio zen Jon Arretxe?
-“Baionan”.
-“Basaurin”
-“Bartzelonan”
Bidali zure erantzuna honako helbide honetara: Euskarri
aldizkaria. 175 posta kutxa. 48902 Barakaldo
(Bizkaia) edo e-mail bat bidali sasiburu@euskalnet.net
helbide elektronikora. Zuzen erantzuten dutenen artean
“Larunbatak” liburuaren ale bi zozketatuko
ditugu.
Denborapasa
