HASI Bertso eskola

Hara, ostera be bigarren hizketalditxoa bertsolaritzaren ganean. Txarto ez badaukat akorduan halako lezino moduko zerbait egingo genduala prometitu genduan. Zeri ekin baina? Errimeari...? Ez, gaurkorako gai lar errimea. Neurriari...? Txikian gabiz gaur txiki haundian jarduteko, beraz hoba ez. Saio motei...? Balei. Eta ganera kontuan hartzen badogu Martian Lorailan izango dala Bilbo Eskualdeko txapelketea, ate ta hobeto.

Zegozer ezaguna bada bertsolaritzatik txapelketea da. Igazko Euskadikoa izugarria izan ei zan, jendetza izugarria modigu zan Donostira Finalaren atxakiaz.

Baina goazen apurka-apurka, lehenengo ta behin zer da txapelketa bat. Bada, agerian dan lez leihaketa bat ikusteko zein baino zeinago dan oholtza ganean, mikrofono atzean, jende aurrean, nerbioen mendean. Aurten Bizkaikoa egingo da eta horretarako eskualdeka egingo dira txapelketa txikiak Bizkain zehar zeintzuk diran zein baino zeinago. Bilbo eskualdean ba bai, noski, eta aurten lehenengo aldiz, Ezker Ibarreko jendeak parte hartuko dau.
Horren artean Jokin Castaños, (ez dakit zelan esan baina Ezker Ibarrekoa barik hau Enkarterrikoa da, beraz batek daki zer egingo dauan), eta Jon Barrocal(Trapagako seme estudiante lotsabakoa), eta azkena Javier Martinez Guti, hau be ez da Ezker Ibarrekoa, Irauregikoa baino... barakaldotar renegado.

Txapelketea honako gauza bat izango da: lehenengo afari edo bazkari oparo bat, gero kafea, kopea eta purua,(erretan dauana) eta segituan kafea hotzitu barik, bertsoak.

Bertsoetan ofizioak egingo daurez, nagusian eta txikian, gero lau puntuak emanda, amaiera emanda eta abar eta azkenik bakarreko gaia. Hau guztia agurren artean.... Zer diran honeek guztiok? Joan bertara eta ikusi. Eta bide batez tarte polit bat pasa euskaldunen artean, euskera hutsean eta anaitasun izugarrian. Ondo jan, bertsoak entzun, ondoren puntuazinoak eta gero ziur beste anparaduko guztiak ez bezalako eritzia eukiko dozula, eta zertaz diskutidu, eta nogaz, eta abar, eta abar. Bertsoeskolakook urduritasunaz gozatzen hasiak gara dagoeneko.

 

Emakumea mintzagai

Emakumearen nortasuna, pizkanaka pizkanaka guztion adierazbide bihurtzen hasia da. Euskal letren mundutik ere, idazleek emakumea gogoan izan dute; berari eskeini zaizkio deskribapenik goxo eta sentsualenak, emakume poetek ere euren literatur esparrua aldarrikatu dute, esnatu berri den ludia konkistatzeari ekin diote, ezagutzeke dagoen poesia eraberritua.

Hire bular bete sendoak
Labean eginberritako beroak
Eta usaluma lehunez, nik
Hire amodioaren suari eginen zizkionat hegoak

Hire ezpain gori maruriak
Sekualn itxiko ez diren zauriak
Eta musuka ta hozka, nik
Hire ahoan urratuko dizkinat oinarearen hezur zuriak

Patxiku Perurena

 

Ez emakume
Ez ama
Ez eme
Ezin izanik

Itzal tantolak sapaiaren ertz hartan jarraitzen zuen;
Beste ertz bat behar zuen,
Baina beldurtuta, beti bere ertzean jarraitzen zuen;
Itzal tantolak beti ertz hartan
Ezin haunditurik,
Ezin zabaldurik,
Argia
Ezin sorturik, jarraitzen zuen.

Amaia Lasa