ZERGATIK PLAZANDREOK?

Gure kanpainako goiburuak esaten duen bezala, honako hau lortu nahi dugulako:

“ESKUBIDE GUZTIAK EMAKUME GUZTIONTZAT”

Gustukoa ez dugun errealitate sozialean bizi garelako:

LANA DELA – ETA

	Emakumeok gizonek baino % 30 gutxiago irabazten dugu oraindik.
	Emakumeok langabetuen % 50 gara, gaztei buruz mintzo garenean kopurua  izugarri areagotzen delarik.
	Emakumeok lan munduan bereizita gaude, lanbideratze eskasa  eta soldata gutxiagoko  lanetarako prestatzen gaituzte.
	Emakumeok lanean hastea lortzen dugunean,  “ezkutuko ekonomia” osatzen duten sektoreetan izaten da maiz.
	Emakume askok bizimodua aurrera ateratzeko, prostituzioa baino beste aukerarik ez dute. Araupetugabeko sektore honek jabeei irabazi handiak ekartzen  dizkie. Prostituzioan aritzen diren emakumeen % 90a etorkinak direla kontuan hartzekoa da.
	Gero eta usuago, emakume etorkinek, paperik ezak ekartzen dien lan egoeragatik, ezin dute inolako lan eskubiderik egikaratu.
	Lanaldi bikoitza ez da desagertu.
	Adin – txikikoen  zein   pertsona edadetuen  zainketa, gero eta arazoa handiagoa da , taxuzko irtenbiderik gabe gelditzen dena  .
	Etxeko lana eta familiarekiko ardura, gehienetan  emakumeari bakarrik  dagozkio oraindik.

INDARKERIA MATXISTA DELA- ETA

	Bexazio fisiko eta psikiko ez dira gelditzen.
	Tratu txarrak ez dira gutxitzen.
	Bortxakeriek hor diraute.
	Eta aurten orain arte, hilabeteko 10 hilketa batez-bestekoa dugu.

Emakumeen aurkako indarkeria hau, hauteskunde garaian besterik ez da kezka izaten, eta horregatik, guztiz  eragingabe diren  asistentzia – politika ezegonkorren bitartez konpontzen saiatzen da. Kontua ez da, arazoa ez dutela konpontzen, baizik eta ez direla  ezta horren azalera hurbiltzen.

Prebentziozko politikak kudeatuz zergatien bila joatea , gure arduradun politikoen agendetan ez dagoen zerbait da. Irak bonbardatu nahiago dute. Eta guk diogu, orain eta beti: indarkeriari ez, GERRARI EZ, Gerra publikoari zein pribatuari ez.    

ORDEZKATZE POLITIKOA DELA- ETA

Ordezkaturik ez gaudelako, eta  jasaten dugun  demokrazia - defizit hori,

sozietate zibila osatzen duten kolektibo guztien  demokrazia  partehartzaile  baten   bitartez soilik konpon daitekeelako. 

Emakumeok  ordezkaturik ez gaudelako, horregatik, gure arazoek ez dute garrantzirik, ohiko alderdien agenda politikoan.

	Tratu txarrak
	Lana
	Berdintasunerako Emakumeen Zinegotzigoak eta Departamentuak
	Emakumeen Aholku Batzordeak ( udalekoak zein foralak)

Esfera politikoan emakumerik ez egoteak eragin negatiboa  du gizarteko emakume guztiei buruz dagoen pertzepzioan. Emakumeen irudiak galdu egiten du botere politikoko lekuetan emakumeen presentzia urria bada. Emakumeak erakunde politikoetan sartzen badira, emakumeei buruzko balorazio orokorra aldatu egingo da. Emakumeen presentzia parekoak gizartearen begirunea bultzatuko du eta pertsona gisa dugun izaera ukatzen diguten aldiak eta gure aurkako irainak gero eta gutxiago izango dira.