Bizkaian, lehiaketa ofizialik ezean, eta bide batez tokian tokiko jaiak bultzatu nahirik, 1970an sortu zen talderik asko; hala nola, Durangoko KEMEN, Zeberiko EKINTZA, Arratiako SOBERANO, Galdakaoko GORANTZA, Sondikako MAIONA, Bilboko BYAS 96 eta Basauri, Zamudio eta La Arboleda, zein bere gain eta bere kabuz. Izan ere, ez federazio babesik, ez jaso zitzaketen lesioei aurre egiteko mutualitaterik ez zeukaten eta.

Apurka-apurka, laguntzarik ez izanda -ez eta merkatari etxeena ere-, klubak desagertzen hasi ziren, eta 1982an Sondikak besterik ez ziharduen; ordurako, ordea, TXORIERRI NESKAK zeritzon.

Estatu-txapelketak, ofizialki, 1982-83 denboraldian hasi ziren, taldeenak zein herrialdeetako selekzioen artekoak. Bizkaiko Federazioak, berak, abiarazi eta harremanei ekin zien. Arazoak izan zituen, baina, ordura arteko jokalariek, bai beste egoerabatean zeudelako, bai gogoa hoztuta izateagatik, kirol jarduna utzia zuten eta. OIARGAN auzoko neska talde batek erantzun zion erronkari eta TXORIERRI NESKAK taldearekin lehiatu zuten, bi partidatan . Txorierrikoek irabazi eta emakumeen Bizkaiko futbol-ligaren lehenengo txapelketa dei genezakeena eraman zuten, eta bide batez, Estatu Txapelketan jokatzeko eskubidea izan zuten. Horretan Coruñako KARBO taldearen aurka aritu ziren, baina galiziarrek, azkenean Estatu-txapeldun izan zirenek, mendean hartu zituzren. Lehiaketa honetan Gaztela, Aragoi, Katalunia, Andaluzia, Kanariar eta Balear Uharteen ordezkariek ere esku hartu zuten.

1983-84 denboraldian beste bi talde sortu ziren, AMOREBIETA eta SAN FRANCISCO, eta aurreko biekin batera Bizkaiko Ligaren II. Txapelketan jokatu zuten, eta orduan ere TXORIERRI NESKAKtaldeak irabazi zuen. Garaipenak Estatu Txapelketara bide eman zion, eta Gipuzkoako ordezkariaren aurka aritu ziren. Gipuzkoarrek, ondartza-futboletik etorritako jokalari aukeratuak AÑORGAKO IKASTOLA AMASORRAIN taldean txertatuta, mendean hartu zituzten bizkaitarrak.
1984-85 denboraldian berriro ere talde berriak sortu ziren, ORDUÑAKO eta ERREKALDEKO, alegia .Artean sortutako sei klubek, Bizkaia Ligaren III. Txapelketaz gain, Bizkaiko I. Kopa eta Handikap I. Txapela ere jokatu zituzten.Hirurak TXORIERRI NESKAK taldeak irabazi eta ostera ere AÑORGAK kanporatu zuen. Denboraldi honetanere Herrialdeko Selekzioen arteko Txapelketa jokatu zen, eta bertan Bizkaiak parte hartu arren, Galiziak kanporatu zuen.

2000-2001 Denboraldia

BIZKAIKO TALDE FEDERATUEN KOPURUA 1. MAILAN	4
TALDE FEDERATUAK BIZKAIKO LIGAN	15