La informática se ha hecho omnipresente en todos los ámbitos de la sociedad y, al igual que sucediera con la televisión, el ordenador se está convirtiendo en imprescindible. Así, se hace patente la importancia de enseñar a nuestros niños/as, desde bien pequeños, que el ordenador es una herramienta muy poderosa que hay que aprender a utilizar y en ella vamos a encontrar una gran ayuda  para conseguir parte de nuestros objetivos. 

Informatikaren presentzia abiadura handiz nabarmenduz joan da gizartearen arlo guztietan. Momentu batean, etxeetan telebista ezinbesteko tresna bihurtu bazen, badirudi gauza bera gertatzen ari dela ordenagailuarekin. Gaur egun ia lan eremu guztietan azaltzen da eta, lanaren esparruaz aparte, aisialdirako ere gero eta erabilpen handiagoa du. Beraz, biztanleriaren ehuneko handi batek jarri behar izan du bere burua ordenagailu edo ordenagailudun makina baten aurrean.  

Hori dela eta, badirudi oso garrantzitsua dela informatika behe eta erdiko mailetan irakastea, ez programatzen edo ordenagailuaren barne egituraz jakiteko, ordenagailua lan tresna ahaltsua izan daitekeela ulertzeko baizik. 

Ideia horren inguruan lan egiten dugu Lehen Hezkuntzako Lehen Zikloan. Ikasleak Lehen Ziklora iristen direnean, ordenagailuarekin harremanetan jarriak izan dira, jada, Haur Hezkuntzan. Gure helburu nagusiak dira, ordenagailuaren aurrean daudenean, autonomoagoak izan daitezela eta Windows ingurunearekin harremanetan jartzea, alde batetik, eta zikloko arlo desberdinetan lortu nahi ditugun helburuak betetzeko tresna lagungarria izatea, bestetik. 

Lehenengo helburua betetzeko, ikasleak ordenagailuak pizten eta itzaltzen, bere erabiltzaile moduan sartzen, Windows ingurunean dauden programak aurkitzen eta zabaltzen eta eguneroko lanean egiten dituzten proiektuak aurrera eramateko tresna interesgarria eta erabilgarria dela ikusten dute. Horretarako Word, Paint eta Internet Explorer programak ezagutzen hasten dira. 

Ordenagailuarekin lan egitea ohituta gaudenentzat horrelako lanak egitea erraza iruditzen zaigun arren, ikasle hauentzat, beren heldutasun maila eta ordenagailu aurrean horrelako lanetarako izan duten esperientzia eskasa dela eta, nahiko zaila egiten zaie, hasiera batean behintzat. 

Bigarren helburua betetzeko, berriz, merkatuan dauden hainbat multimedia programa erabiltzen ditugu. Programa hauek interaktiboak eta oso intuitiboak dira eta hizkuntzan, matematikan, ingurunean eta idazketa-irakurketan lortu nahi ditugun helburuak betetzen laguntzen digute. Honen adibidea Xango, Birraitonaren Museoa, Urdintxo eta Pox, Matematika eta Hizkuntza Pirataren Munduan eta Klik programak izan daitezke.