Zeinek
ez ditu inoiz gaztainak dastatu, negu hotzetan eskuak berotzeko izan ez
bada ere?
Erromatarrek
izan ziren gaztainondoa Euskal Herrira ekarri zutenak, harrezkero, gure
basoetan ederki asko bizi dira. Udazkenetan bere fruituak, gaztainak, jaso
eta danbolinean zein txapetan, erreta edota egosita, atsegin handiz jan
ohi ditugu.
Euskal
Herrian gaztaina janaren inguruan jaia ospatzea ohitura izan da. Gure
arbasoek neguan hotzari aurre egiteko batetik, eta bestetik elikatzeko,
gaztainak, eskura zuten fruitua, erretzen zituzten. Gure sasoian, neguko
hotzak astintzeko berogailuak eta elikatzeko nahi beste jaki errez eskura
daitekeen honetan, honelako beharrik ez eta ohitura galduz joan da,
banakako baserri batzuetan izan ezik.
Hala
ere, usadio hura berreskuratzeko asmoz urtero-urtero, Ikastolako gurasoen
laguntzarekin, gaztainak erretzen ditugu. Horretarako, guraso talde bat
gaztainak erretzen arduratzen da, baita paperezko kukurutxoak prestatzen
ere. Gaztainak bero-beroak egon ohi baitira!
Batera, guztion artean, egun honetarako propio egin zen KOPLA kantatzen dugu, baita bertsoak eta gabon kantak ere, besteak beste, “Hator-Hator”. Ospakizun polita, Gabonetako jaiei hasiera ematen diena.
