Ekimen honen helburu nagusia euskara, ikas hizkuntzaz gain, bizi hizkuntza eta, beraz, harreman hizkuntza bihurtzea da, geure kulturaren trasmisio egokirako eta ikasleen garapen osorako bitartekoa den heinean. Helburua ikaslegoak euskaraz hitz egitea izanik, ikasleei kaleko edota familiako hizkuntzak ematen ez dizkien erregistro hurbilak eskeintzen saiatzen gara. 

Jolastorduen monitorizazioaren bidez, Haur eta Lehen  Hezkuntzako ikasleei hizkuntza erregistro kolokialak eskeintzen zaizkie. Bitarteko gisa, nagusiki, jolas tradizionalak erabiltzen dira. Horretaz gain, L.H.ko 5. eta 6. mailako umeekin, jolas tradizionalekin batera, Herri Kirolak tartekatzen dira, ikasturte bukaeran txapelketatxo bat antolatuz egitasmo hau garatzen ari garen ikastetxeen artean.  

Proiektuak lau fase ditu: 

·        Lehenengoa formakuntzari dagokiona da. Irakasle, monitore eta bestelako langileentzako ikastaroak ematen dira. Ikas ziklo bakoitzeko irakasle banak derrigorrez parte hartu behar du.  

·        Bigarrena jolastorduetako monitorizazioa da. Monitoreak ordu erdiko bi saio ematen ditu ikasleekin jolasten eta beste ordu bat koordinaketan, jolas bilketan eta proiektuaren garapenerako lanetan. 

·        Hirugarrena gurasoentako jolas tailerrek osatzen dute. 12 orduko ikastaroa eskeintzen zaie gurasoei bere seme-alabekin euskaraz jolastu ahal izateko. Nahiz eta ikastaroa euskaraz izan, jolas antolatzen dira guraso erdaldunek eta euskara maila baxua dutenek parte har dezaten. 

·        Laugarrena ikastetxeen arteko harremanak sendotzean datza. Proiektuan gauden ikastetxeen arteko txapelketa egiten da herri kirolen inguruan. 

Proiektua Sortzen-Ikasbatuaz Elkarteak kudeatzen eta koordinatzen du.

Soka saltoan aritzeko 
Para saltar a la cuerda

 Do, re, mi,
(Mikel) ipurdi handi,
fa, sol, la
ikusi zaiola.
Mendiola, Mendiola
txoriak kaka egin diola.
Mendiola, Mendiola
txoriak kaka egin diola.

Eskuekin jolasteko
Para jugar con las manos

 Binbili-bonbolo
zein da lo
Akerra Frantzian balego.
Astoak kanta
idiak dantza
ahuntzak danbolina jo.

Zotz egiteko
Para sortear

Harriola-marriola
orratza zorrotza
zizta gaitza, hari txarra,
tirabira,
zirrin-zarran eta zast!

Zotz egiteko
Para sortear

Dona dona katona
sutondoan aitona
lepotik behera kutuna,
atera kanpora
neska-mutil tuntuna