idazleak ikastolara

Idazleak Ikastolara

Irakurtzeko zaletasuna bultzatu eta eskolan irakurgaiak lantzeko moduetan asko aurreratu da, haurrentzat egin diren literatur lanei buruzko interesa egunetik egunera handiagoa delarik.

Azken aldian haur literaturak berezko garrantzia hartu du eta umeen artean sormena eta zaletasuna bultzatzeko ekintza asko zabaldu dira.

Literatura bera, eta umeentzat egiten dena bereziki, eskola eta ostantzeko saioetara hedatu da. Horretarako hainbat jende eta talde ari dira lanean. Euskal Idazleen Elkarteak adibidez, idazleak eskoletara joateko eta irakurleekin zuzenean harremanetan jartzeko ekimena eratu zuen duela urte batzuk.

Ekintza honi esker, umeek liburua irakurri ondoren egilearekin hitz egiteko aukera dute, hobeto ezagututa gauza gehiago ulertu eta irakurtzeko zaletasuna areagotzeko asmoz.

Hona labur-labur programaren helburuak:

Ikastetxeetan literatur zaletasuna sustatzea.
Idazleen eta ikasleen aurrez aurreko harremanak bideratzea.
Euskal idazleen obren zabalkundea.
Ikasleen literatur gaitasuna sendotzea, teoria praktikarekin lotuz.
Idazteari gaur eguneko mundu gero eta teknologikoagoan leku propioa aurkitzea.

Ikastolak ere hainbatetan frogatu du esperientzia honen balioa, aspaldidanik baita programa honen partaide. Halan, aurtengo ikasturtean, Muskizko Udalak duen hitzarmenaren bidez, idazle hauekin izan dira harremanetan Lehen Hezkuntzako 2. eta 3. zikloetako ikasleak: Iñaki Zubeldia, Patxi Zubizarreta, Joxantonio Ormazabal eta Antton Kazabon.

Aurretik aukeratutako liburuaren gaineko solasaldiaren ostean, idazlearekin zuzenean hitz egiteko aukera dute ikasleek: zergatik eta nola idazten duten, ideiak nondik ateratzen dituzten, zein izango den hurrengo liburua eta beste hamaika galdera erantzuteko beharrean aurkitzen da idazlea.

Visitas de escritores

Las visitas de escritores de literatura infantil a la Ikastola se han convertido en un importante recurso motivador de la lectura.

Los objetivos de estos encuentros son fomentar la afición la lectura y aumentar la capacidad literaria de los alumnos, a la vez que se posibilita establecer relaciones en vivo y en directo con un escritor.

Tras leer la obra elegida se invita al autor a visitarnos y se establece un dialogo enriquecedor para todos.

La curiosidad de los jóvenes lectores es infinita: por qué se escriben libros, de dónde se sacan las ideas, por qué no ponemos este otro final al cuento, cual es el próximo libro...

Gracias al acuerdo de colaboración entre la Asociación de Escritores Vascos-Euskal Idazleen Elkartea y el Ayuntamiento de Muskiz, este curso nos han visitado Patxi Zubizarreta, Iñaki Zubeldia, Antton Kazabon y Joxantonio Ormazabal, todos ellos autores de reconocido prestigio en el mundo de la literatura infantil en euskara.


Joxantonio Ormazabalekiko solasaldirako aukeratutako liburua Txoko txiki txukuna izan da. Haurrentzat prestaturiko txoko txiki txukuna: ipuin, iragarkizun, barrehiztegi eta olerkiz beteriko irudimenaren tailerra! Barrura sartzen gonbidatzen gaitu idazleak, atea irekita baitugu sartzeko bezala irtetzeko. Gonbidapena gustora onartu eta txoko barruko bazterretatik murgilduz oso ondo pasatu dugula esan behar! Hainbat ipuin eskeintzen dizkigu berton Joxanek: farregarriak eta dibertigarriak, sentimental eta hunkigarriak, fantasiazkoak... Denak politak baina haurren artean arrakastatsuena: Dortoka orinalean. Nola bururatu ote zitzaion ideia hori? Ba, bere ustez, etxe gehienetan izaten da hor, armairuren baten goiko aldeko bazterren batean, aspaldiko orinal zaharra gordeta. Ideia hori izan zuen abiapuntutzat, horren inguruan beste pertsonaiak eta egoerak sortuz joan zirelarik.

Muskizko Ikastolakoek egin duten bezalaxe, beste zenbait haurrek ere adierazi diote ipuin hori izan dela gehien gustatu zaiena, baina liburuan badira ipuinez gain beste pieza laburrago ere: irudimen handiko definizio bitxiak, asmakizunak eta poemak. Interes handia duela olerkietan esaten digu Ormazabalek. Zailtasunari begira errezago idazten ditu olerkiak ipuinak baino, baina ipuin on bat idaztea du berak beste ezer baino gogokoago. Hainbat liburu idatzi ditu orain arte: Esaera zaharrak eta txiste berriak, Kaskarintxo, Margolin, Kotti, Patxibusa, Maripertxenta, Kittano, Igarkizunak, Saturna, Hitzak jostailu... Baina nondik ateratzen ote ditu horrenbeste ideia? Edonoiz eta edozelan bururatzen omen zaizkio istorioak: irudi bati begira batzutan, zerikusirik ez duten bi hitz hartu eta erlazioak bilatuz irudimenezko egoera bereziak sortzen dira besteetan..., edozein gauza, irudi, berba, sentimendu eta abar izan daiteke ipuin bat asmatzeko abiapuntua. Ideiak azkar datozkio burura, idazteak gehiago kostatzen du, ahalegin handiagoak egin behar dira idazteko, baina hori da berak gusturago betetzen duen lana. Ipuinak idazten nola hasi zen azaldu digu ere Joxantonio Ormazabalek: hogeita hiru urte zituela, Zarauzko Ikastolan 2. mailako haurrekin hasi zen lanean. Hantxe hasi zen bere gelako umeentzat ipuinak idazten, eskolarako material osagarri moduan egiten zuen, sasoi hartan ez baitzegoen gaur egun ditugun beste liburu euskeraz. Eta orduan konturatu zen erreztasun handiz asmatzen zituela haurrentzat ipuinak eta bere ikasleei izugarri gustatzen zitzaizkiela. Bertso eta kanta ugari ere idatzi ditu: Astoa ikusi nuen, Tximeleta mendian, Txoria nintzela... Kanta hoiek guztiak "Haur Kantarien Birlorak" izeneko liburuan argitaratu ziren aspaldi batean. Berak idatzitakoa da ere Ikastolan denok oso ondo dakigun "Argitxoren" kanta. Argitaratu duen azken liburua ekarri digu Joxanek, inprentatik atera berria, kaleratu den lehenengo alea: Gorritxo eta Beltxiko. Eiffel dorrearen puntan elkar topatu duten odolaren eta ikatzaren koloreko bi inurrien abenturak. Oparitzat eskeini digu liburu berri hau, dedikatoria batekin. Bestalde idazten ari denaren ipuinaren berri ere eman digu: Amona bizikletan. Asmatu dituen bi amaierak kontatu dizkigu gure iritzia emateko eta liburuan guk aukeratutakoa jarriko duela jakinarazi digu. Ea ba noiz argitaratzen duen! Horren zain gaude gu!