| Azkenengo urteotan Ikastolan ikasitako hainbat ikaslek Magisteritzako praktikak gure artean burutu dituzte, gehienetan euren eskola garaiko irakasleekin batera, orduko maisu-maistra zena orain gidari eta laguntzaile bihurturik. Hau dela eta, Andoni Lamborena, Laura Gonzalez eta Zuriņe Uriarterekin solasaldi txiki bat izan dugu. | |
Praktiken
helburua, Unibertsitatean ikasitako teoria eta
ikasgeletako errealitatea uztartzea izan ohi da. Haien
iritziz, "hemen han baino askoz
gehiago ikasten da, Magisteritza Eskolan dana oso
teorikoa baita. Hemen, osterantzean, unitate didaktiko
errealak prestatu behar dituzu eta ikasleen aurrean
zuzenean jokatu". |
|
Gainera,
"urtetan aritua den irakasle
batekin zaude eta bere jarrera eta portaera behatzen
dituzu, praktikan baino bestela ezin eskura daitezkeen
gauzak ikasiz".
|
|
Ezagutu
zuten Ikastola eta gaur egungoa ez dira gauza bera. Antza
denez, gauza anitz aldatu dira, orain material eta
instalazio gehiagoz hornitu da ikastetxea, adibidez,
gimnasioa, musika-gela, informatika-gela, bideo-gela eta
honekaloak ez dituzte ezagutu, eta orduan jadanik
eskatutako hauek errealitate bihurtu dira. |
|
| Ikastola estimu handian
dutela ez dago zalantzarik: "Ikastolan
oso harreman hurbilak izan dira beti, giro aparta, baita
irakasle eta ikasleen arteko harremanei dagokienean ere.
eragin baikorra izan du Ikastolak gugan" diote. Muskizko Ikastolako irakasleak izateko aukera balute ea pozik etorriko liratekeen galdegin diegunean bat egin dute: "Bai, jakina, poz-pozik gainera, hemen hazi baikara". |
|
Ziur
asko praktiketan makina bat ideia burutu dute. Altxor
baliotsua daramate aldean: euskalduntasuna, lana ongi
egiteko gaitasuna eta nahia eta, nola ez, gaztetasunaren
balio paregabea! Bide emankorra opa diegu, atzo ikasle,
gaur irakasle diren gazte maite hauei. |
|
