Idazkeraren historia

Badira zenbait aurkipen, tresnak ez direnak, baina homo sapiens sapiens-en kultura garapena lagundu dutenak, adibidez, sua, artea, nekazaritza, hiria, hizkuntza, zientzia eta abar. Hauetariko bat idazkera da. Idazkerari esker, aroz-aro zabaldutako jakinduria iraunkorragoa bilakatu zen, tintak, euskarriak eta tresnen iraupenaren arabera.

Idazkera ezagutu zuten lehen kulturak Mesopotamia, Egipto, Grezia eta Erroma izan ziren. Gure alfabetoa, ordea, ekialdeko herri batek asmatu zuen, feniziarrek, hain zuzen ere.

Eta 1440an Gutenberg heldu zen inprenta izeneko makina miresgarriarekin. Asmakizun honi esker, makina bat ideia zabaldu ziren mundu ezagunen zehar.

Ordura arte kopistek egindako esku-izkribuen lan lasaiak eta luzeak garrantzia galdu zuen eta, geroztik, mundua jadanik ez zen berdina izan: ideien unibertsoa txikitu zen distantzietan baina, duda barik, pentsamendua zabaldu zen azken bazterretaraino.

Aro digitalean, ordea, liburu digitala agertu da eta batek daki zer nolako bilakaera izango duen liburuak.

Ni zazpi urterekin alfabetatu nintzen, horri esker munduan idatzi den guztia irakur dezaket, ba al da hobeagorik?