Imaginatzen zaitut etxetik irteten
erdi lo, erdi lo,
bizitzaz ezer ez dakiten
liburuak besapean.
Eta bihotzean bart gauean
sortu ziren taupadak
ezin eutsiz,
ezin geldituz.

Imaginatzen zaitut kadiran esertzen
erdi lo, erdi lo,
zure eskuak automatikoki
idazten.
Eta bihotzean bart gauean
odolberoz puztutako oroitzapenak
ezin eutsiz,
ezin geldituz.

Imaginatzen zaitut noizbait etortzen
erdi lo, erdi lo,
eta ni zain liburuak
itsasora botatzeko.
Gure bihotzean gaur gauean
berriro elkartuko gaituen denbora
ezin eutsiz,
berriro aldenduko gaituen denbora
ezin eutsiz,
ezin geldituz.

Hitzak eta doinua: Mikel Markez
                                                                    ---Atzera---