Flexo txiki baten argitan
egindako gauak oroitzen ditut goxoki.
Zirrara xixtrinen bat sentitu nahiean
paper txuri bat himenurratuz,
tripan korapiloak lotzen direnean
azukre ta gatzarekin urtuz,
on egiten delakoan hemen biluztean
krudelki barne mugak apurtuz,
hutsuneen azpiko irudimenean
mundua emakume formara laburtuz,
ixiltasunean
ipotx txiki baten zain,
intxixuren baten zain,...

Flexo txiki baten argitan
egindako gauak oroitzen ditut goxoki.
Inkonformidadeak hitzaren zentzua,
hitzek zentzuaren konformidadea.
Bakardadea beti ez delako antzua
konpainiari jarriz epea,
ixiltasunean
ipotx txiki baten zain,
intxixuren baten zain,...

Gaur flexo txiki baten argitan.

Hitzak eta doinua: Mikel Markez
                                                                    ---Atzera---