Programazio hizkuntza: C Interaktiboa (IC)

"Interactive C" MITen LEGO Robot Design proiekturako garatutako programazio ingurua da. Konpiladore multiataza da eta bere komando lerroan idazten diren espresioak modu interaktiboan konpilatzeko eta ebaluatzeko gai da. Hasieran ikasleek erabiltzeko garatu bazuten ere, erabiltzeko eremua zabaldu egin da eta gaur egun ikerketan eta prototipoen garapenean erabiltzen da.

LEGOren RCX eta MITen Handy Boardekin erabilgarria da (nahiz eta eskaintzen dituen funtzio guztiak biekin erabilgarriak ez izan).

Linux, MacOS eta Windows sistema eragileekin erabilgarria da. Laugarren bertsioa erabilpen librekoa da.

Baliabideak

Jarraian aipatzen diren baliabide guztiak ingelesez daude.

Softwarea

• "KISS Institute for Practical Robotics": erakunde honen webgunean IC4 softwarea aurkituko duzu download direktorioan.

Liburuak:

• Fred Martinek "Robotic Explorations. A Hands-On Introduction to Engineering" liburuan Handy Board programatzeko IC4 erabiltzen da. Bera da ICri buruz idatzita dauden gida gehienen egilea eta liburu honetan jarraian aipatzen diren hainbat eskuliburu jasota daude.
• "LEGO MindStorms Interfacing" liburuan RCXrekin IC4 erabiltzeko lehen urratsak nola eman erakusten da. Liburuarekin batera datorren CDan behar den softwarea dago.

Eskuliburuak Interneten:

• Handy Boarden webgunean software atalean "Interactive C for the Handy Board Manual" aurkituko duzu. Handy Board-en eskuliburua bada ere, RCXrekin IC4 nola erabiltzen den ikasteko baliagarria da.
• KISS-en webgunearen download atalean aurkituko duzun dokumentu batean IC4ren funtzioen zerrenda jasotzen da. Zerrenda honetan RCXrekin edo Handy Boardekin erabili daitezkeen funtzioak bereizten ditu.

Beste gida batzuk Interneten:

• ICko erabiltzaileentzat gidaliburua eta C interaktiboaren gidaliburua (3.1) newtonlabs-en webgunean aurkituko dituzu..
• Introduction to Engineering Design: robotika ikastaro honetan besteak beste LEGO robotak eta IC erabiltzen dute.
• "KISS Institute for Practical Robotics"-en webgunean Curriculum atalean sentsoreak, motoreak... erabiltzeko informazioa eta iradokizunez ematen ditu. Erabiltzen duten programazio ingurua IC da eta hardwarea LEGOren RCX eta MITen Handy Board.

Beste lotura batzuk:

• Engineering a Look at the Cosmos: Handyboard eta Interactive C teleskopio baten proiektuaren testuinguruan.

Publizitatea:academias de tenis armarios frigorificos brother cmdsport coches usados crema masaje Generador hostales granada ray ban Vacaciones