Hau da hexapodo bat egiteko nire hirugarren saiakera eta lehen saiakera elementu neumatikoekin.

Lehenengoa, egia esan, ez zuen ankarik, oinez baino arrastaka zebilen. Hau aurrez egindako beste modelo batean oinarritzen zen, hain zuzen E_1 modeloan. Aldaketatxoren bat egin nuen hiru moduloak elkartzeko (modeloa LDraw formatoan).

Bigarrenak sei hanka zituen eta bi motore elektrikoei esker mugitzen zen.

Eta hirugarrena pneumatikoa. Muntatu bitartean Portu diren arazoak batzuk izan dira, batzuei irtenbidea aurkitu diet, beste batzuei berriz, ez.

Lehen arazoa eta nagusia zurruntasuna izan da. LEGO piezen zurruntasuna ez da handia eta arazoak izan ditut bai hankekin, bai gorputzarekin.

Hasieran hankak estuak eta luzean egin nituen, lehen irudian ikusten den bezala. Baina beren ahultasunak eta gorputzaren pisuak behartuta zabalagoak eta motzagoak egin ditut. Hanka bakoitzak bi puntuen gainean altxatzen dira lurretik. Uste dut azken emaitza nahiko ona dela.

Gorputza eta artikulazioen zurruntasun eskasa izan da hurrengo arazoa. Hanketako artikulazioen ardatz bertikalek euskarri anitzak behar izan dituzte eta gorputzak bi kapa izateak behar zuen zurruntasuna eman dio (honetan erabilitzako pieza guztiak Technic-en pieza berriak dira, nire semeak dioenez hortzik gabekoak)

Irtenbiderik gabe gelditu den arazoa aire konprimitua sortzeko sistema izan da (sei-hankaduna ibil dadin behar bestekoa). Aire kantitate handia behar duten 6 zilindroen hiru talde dago (hiru hanka batetik, beste hirurak bestetik eta aurrera egiteko sistema bukatzeko). Gorputzean muntatutako hiru konpresoreak ez dira gai behar den aire kantitatea konprimitzeko, honen ondorioz, funtzionamendua probatzeko eskuz egin behar izan dut. Gainean aire-ontziak (Airtank) jartzeak ez du ezer konpondu, zirkuituak behar duen aire kantitatea aire-ontziak onartzen duena baino handiagoa delako.