Ideiaren
jatorria
Aste-santuko
oporretan egun batzuk etxetik kanpo pasa genituen. Itzuli
ginenean ezusteko galanta izan genuen etxeratzerakoan: instalazio
elektrikoko diferentziala deskonektatuta zegoen, eta horren
ondorioz izozkailuko janariak hondatuta zeuden.
Hau
ikusita amak honela esan zidan: ea noizko asmatzen duzun zerbait
honelako arazoak ekiditeko. Esan eta soluziobide bat diseinatzeari
ekin nion.
Ideiaren
garapena
Lehenengo,
argia berriro konektatzen duen robot bat egitea bururatu zitzaidan,
baina honek indar gehiegi behar zuenez argiaren palankatxoa
mugitzeko beste zerbaitetan pentsatu nuen: alarma bat jartzea
telefono dei baten bidez, geunden tokian geundela entzun ahal
izateko.
Argi
dago telefono bat markatzeko diseinua konplexuegia izan daitekeela,
bederatzi pultsazio eman beharko lituzkeelako, beraz, aurretik
telefonoa markatzea eta ondoren robotak telefonoa deskolgatu
eta "rellamada" botoiari eman ziezaion pentsatu nuen.
RCX-a
argi-sarera lotuta dago adaptadore baten bidez, eta argia
joaten denean barruko pilen argi-indarra erabiltzen hasten
denean, jasotzen duen energia 9V baina baxuagoa denez, argia
joan dela konturatzen da. Argazkitan ikus daitekeenez, robotak
bi beso ditu. Batek, telefonoa deskolgatu egingo du argia
joan ezkero. Besteak berriz, "rellamada" botoiari ematen dio
deia gauzatzeko eta telefonoak segundo batzuk itxoingo ditu
telefonoa hartzeko denbora eman diezagun RCXk soinuren bat
eginez telefonoa hartzen duenak entzun dezan. Segundo batzuk
igaro ondoren, RCXk berriro kolgatu eta deskonektatuko da
pilak ez gastatzeko.
Programa
Programa
egiteko Robolab 2.5 erabili dut (argiajoan.zip).
Nahiko sinplea da, eta arazorik gabe interpreta daiteke. |
