Sentsore hau LEGO MindStorms-en berrikuntzetako bat da. HiTechnic -ek RCX-rako eskaintzen zuena orain gainerakoekin batera dator salgai izango den kaxan.

Sentsore honek ultrasoinuei esker distantziak neur ditzake. Ultrasoinua igorri ondoren itzuleraren zain gelditzen da (azken hau oztopo bat dagoenean gertatuko da). Seinale-igorpena eta -hartzearen artean igarotako denboran oinarrituta distantzia kalkula dezake.

Sentsore honek oztopoak ikutu gabe ekiditeko aukera emango die garatzen ditugun robotei, baita objektuak aurkitzeko ere.

Hemen sentsore hauei buruzko informazio gehiago aurki dezakezu.

Emaitzarik onenak objektua pare-parean duenean dira, hala ere, alboko posizioan dauden objektuetara dauden distantziak ere neur ditzake.

Sentsorea objektu batera dagoen distantzia neurtzeko konfiguratua dago era lehenetsian, baina batera 8 objektuetara dagoen distantzia ere neur dezake neurtze periodo batean.