RCXk hiru sarrera eta hiru irteera ditu. Irteeretan (9V DC) motoreak eta argiak konektatu daitezke (gehienez 0.5A). Eta sarreretan sentsoreak.

LEGOk lau sentsore ezberdinak komertzializatzen ditu: ukitze-sentsorea, argi-sentsorea, tenperatura-sentsorea eta errotazio-sentsorea. LEGO dacta eta Robotics Invention System kit-etan bi ukitze-sentsore eta argi-sentsore bat aurkituko dituzu. Errotazio-sentsorea "Ultimate Accesoty Set"-en aurkituko duzu urrutiko agintea eta argi batekin batera. Tenperatura-sentsorea LEGOren kontsumitzailearen zerbitzura edo LEGO dactaren banatzailera (PRODEL S.A. ) jo beharko duzu.

LEGOk eskaintzen dituen sentsoreez gain, norberak sentsore berriak egin ditzake. Irudian sentsoreak berriak RCXrekin konektatzeko baliagarriak diren piezak ikusten dira. Pieza hauek ez dira robotikako kit-ekin komertzializatzen. Behar badituzu, LEGOren kontsumitzailearen zerbitzuari eskatu beharko dizkiozu (5037 erreferentzia).

Sentsore berriak egiteko kontuan hartu behar da sentsore pasiboak eta aktiboak daudela. Sentsore pasiboak elikatu beharrik ez dutenak dira (ukitze-sentsorea eta tenperatura-sentsorea). Sentsore aktiboak elikatubehar dira beren lana egin dezaten, LEGOren argi-sentsore eta errotazio-sentsorearen kasuan gertatzen den moduan. Sentsorea aktiboa edo pasiboa izatea kontuan hartu behar da programatzeko garaian. Biblioigrafiako erreferentzia batzuek informazio ugari ematen dute sentsoreen diseinuaz.

Hemen teknologiako gelan egin daitezkeen sentsore batzuk aurkezten dira. Era errazean egin daitezke DBHko teknologiako ikasleekin.

Argi-sentsorea: sentsore hau egitea erraza eta merkea da.

Ukitze-sentsorea: ukitze-sentsore bat behar baduzu, ibilbide amaiera bat erabil dezakezu, edo beste zerbait asmatu.

Erreleen erabilpena : Erreleek RCXtik beste zirkuituak kontrolatzeko aukera ematen dute. Adibidez, errele bat irteera batean edo bestean konektatuz 220 V-ko instalazio bat kontrola daiteke. Irteera batek eskatzen duen tentsioa edo intentsitatea RCXk eskaini dezakeena baino handiagoa bada errele bat izango da soluziobidea. Horretarako teknologiako tailerrean irudian ikus daitekeen bezalako dispositiboa munta daiteke (Informazio gehiago).

Ondorengo orri guztiak ingelesez daude.

Liburuak:

• "Extreme Mindstorms: a Definitive Guide to Lego Mindstorms" Michael Gasperi eta beste batzuk.LEGOren RCXrako sentsore berriak nola egin daitezkeen erakusten du.
• "Robot Builder's Bonanza" Gordon McComb

LEGOren RCXrako sentsore komertzialak

• DCPMicro: Sentsore komertzialak RoboLab-ekin lan egiteko.
• HiTechnic: sentsoreak komertzializatzen dituen beste enpresa bat.
• Tecno-stuff Robotics: Sentsore berriei buruzko informazioa. Sentsore batzuk ere komerzializatzen ditu. Besteak beste ibilbide amaiera nola egin azaltzen dute. Era honetan, sentsore sarrerarik erabili gabe ibilgailua bi mugen artean mugitu ahal izango da behin eta berriro. Norberak egiteko eskemak eskaintzen ditu, baina produktu bukatua saltzen dute ere. Honen inguruko teoria ematen du ere.
• Mindsensors: RCXrekin erabiltzeko sentsoreak. I2C moduloa. Salmenta on-line.

LEGOren RCXrako sentsore gehiago

• InchLab. Orri pertsonal honetan hainbat proiektu interesgarriez gain, berak egindako sentsore berriak aurki daitezke: distantzia sentsore optikoa, laser brick eta eragile elektromagnetikoa.
• Elektor aldizkarian sentsoreak egiteko proposamenak argitaratzen dituzte noizbehinka.
• LEPOMUX. Multiplexer bat:Sentsore berriak eta serbomotoreak erabiltzeko aukera zabaltzen du

Beste lotura interesgarriak

• Lego MindStorms Internals: Beste informazio iturri agortezina. Sentsoreak, Programazioa, Hardwarea, roboten eraikuntza...
• MindStorms RCX Sensor Input Page: Sentsoreei buruz informazio ugari.
• "Where I Am? Sensors and Methods for robot mobile positioning" : Roboten posizionamenduaz dokumentu sakona, metodo matematikoak, sentsoreak, posizionamendu sistemak. Michigan-eko unibertsitatean egina.

Publizitatea:armarios calderas en leganes comprar loteria comprar naranjas deportes de aventura doblaje furgoneta segunda mano pisos madrid psicologia infantil alicante toner