1.- SARRERA

DBHko 2. Zikloko ikasleei zuzenduta dago, lehenengo maila egin badute, 3. mailakoei eta lehengo maila ez badute egin 4. mailakoei.

Unitate didaktiko honen bitartez mekanikan eta elektrizitatean landutako oinarrizko eragileak erabili beharko dituzte eta bi eratako eragile hauek elkarren eragina dutela ikusi eta energia mekaniko eta elektrikoaren arteko eraldaketa landu.

Beharrezko eragileak (etengailuak, txirrika murriztatzaileak) haiek eraiki beharko dituzte.

Horrez gain, eraikuntzan zehaztasuna landuko da bereziki.

2.-HELBURUAK

Elektrizitateko oinarrizko ezagupenaz baliatuz eragile elektrikoak eraiki eta erabili.

Mekanikako ezagupenaz baliatuz txirrika murriztatzaileak eraiki eta erabili.

Eraikuntza prozesuak neurketetan eta muntaietan zehaztasuna eskatzen duelaz ikasleei jabearazi.

Materialen birziklapenaren garrantziaz jabetu.

Tailerreko erremintak era egokian erabili.

Diseinuan perspektiba Cavaglieri eta akotazioak era adierazgarri batean erabili.

Mekanikoki eta elektrikoki lortzen diren efektuak elkartu efektu berriak sortzeko

3.-EDUKIAK

Proiektuaren faseak: arazoa aztertu, informazioa bildu, irtenbide posibleak diseinatu, eraiki eta autoebaluaketa.

Ideiak adierazteko perspektiba Cavaglieri eta akotazioak erabiltzea.

Neurketa

Segurtasun arauak

Piezen loturari, transmisioari eta energia eraldaketari (elektrikoa-mekanikoa) dagozkien eragile nagusien ezaugarriak eta funtzioak.

 

PROZEDURAZKOAK

 

Sistema teknologiko baten ezaugarri diren atalen arteko erlazioa eta atal horiek sistemari nola eragiten dioten aztertzea.

Proiektu teknikoak diseinatzeko eta burutzeko eragile eta material egokienak hautatzea

Proiektu teknologikoak diseinatzeko eta burutzeko eragile eta material egokienak hautatzea.

Proiektu teknologikoak diseinatzeko eta burutzeko oinarrizko materialen bidez eragileak eraikitzea

Eraikuntzan oinarrizko tresnak eta teknikak erabiltzea: neurketa, marrazketa, egurraren mozketa, elkarketa,...

Lan baterako prozesua antolatzea eta lan hori burutzeko beharrezko eragiketa, denbora eta baliabide sekuentza logikoa.

JARRERAZKOAK

Adierazpen grafikoak objektu teknologikoak diseinatzeko eta burutzeko duen erabilgarritasuna baloratzea.

Ikasgela-tailerrek tresna eta materialak erabili eta zaintzeko arauak betetzea.

Prozesu teknologikoetan lehengaiak edonola erabiliz gero agortu egin daitezkela tailerrean jabetzea.

Eragilei dagokienez, azpian datzaten printzipio zientifikoak eta teknikoak ezagutzeko interesa erakustea.

4.-SEKUENTZAZIOA

Sarrera-jarduerak: (11/2- 2 h bitartean)

Lan proposamenari ekiten hasi aurretik arazo sinpleak konpotzeko zirkuitu elektriko sinpleak eraiki beharko dituzte, aurreko proiektuan egindako etengailuaz baliaturik (metalezko xafla bat eta iltzeak erabiliz).

a)Zein zirkuto eraki behar zenuke lanpara bat pizteko, pila bat, etengailu bat eta lanpara bat edukiko bazenitu?

b) Eta bi lanpara aldi berean pizteko, aurreko eragile berdinak edukita?

d) Eraiki ezazu zirkuito bat aldi berean lanpara bat pizteko eta motore bat martxan jartzeko, pila bat, etengailu bat, lanpara bat eta motore bat erabiliz.

e) Nola eraikiko zenuke zirkuito bat, etengailu baten bidez lanpara bat pizteko eta aldi berean motore bat martxan jartzeko, bi pila erabili beharko bazenu?

f) Aipa ezazu zirkuito bakoitzeko aplikazioren bat .

Etengailua bereziki landuko da, beti ez dela guk hatzamarrarekin sakatu behar dugun botoia konturatzeko, era automatikoan itzi edo zabal daitekela.

Adibideak:

Etxeko atea zabaltzerakoan argia pizten da

Kotxera sartzerakoan barruko argia pizten da

Musika kaxa bat zabaltzerakoan musika entzuten da

Labea automatikoki itzaltzen da.

Botoia sakatuta martxan hasten diren tresnak (ile-lehorgailua,...)

4.- LAN PROPOSAMENA

Sarrera jardueren ondoren lan proposamena azalduko zaie, deseinu funtzionalari garrabtzi berezia emanez eta proiektua diseinuaren arabera baloratuko dela (neurriak, loturak,...)

Lana bikoteka antolatuko da.

Ikasleei, orri batean lan proposamena banatuko zaie:

Eraiki behar duzun mugikariak hurrengo baldintzok bete beharko ditu:

Aurrera eta atzera joan beharko du

Norantza aldaketa mugikariak berak eragingo du

Txirrika murriztatzaileak erabili behar dira transmisioan

Norantzaren arabera pizten diren argiak edukiko ditu (Ad: aurrerantza doanean berdea eta atzerantza doanean gorria)

Karroza edukitzea aukerakoa da

Motorra

Okumen

Kartoia edo kartulina (karroza egiteko)

Latoizko xaflak (etengailuak egiteko)

6 mm-ko diametroa duten egurrezko hagatxoak

Kableak

Kola

Pila bat edo bi

Lanparak

 

Epea: lan hau burutzeko 6 aste edukiko dituzu.

Txostena:

Bakarkako diseinua

Taldeko diseinua

Cavaglieri perspektiba

Akotazioak

Zirkuito elektrikoaren eskema

Eragileen diseinua: etengailuak, transmisioa,...

Materialen zerrenda eta erabilera

Lan-banaketa

Prozesuaren azalpena

Jatorrizko diseinuaren aldaketak eta aldaketa horien zergatiak

Hurrengo puntu hauek agertuko dira ikasleek egindako memorian:

Bakarkako diseinua

Mugikaria

Eragileen diseinua

Zirkuito elektrikoa

Taldeko diseinua: taldekideen proposamenetatik abiatuta diseinu bat hautatu edo beste berri bat egin bion artean.

Materialen zerrenda eta erabilera

Prozesuaren azalpena( mugikariaren funtzionamendua)

Jatorrizko diseinuaren aldaketak eta aldaketa horien zergatia

Memoriaren lehengo 3 puntu nagusiak eraikuntza egiten hasi baino lehen bukatu behar dira.

Proiektua burutu ahala, irakasleak memoriak zuzenduko ditu.

5.- EBALUAZIO IRIZPIDEAK

Taldearen funtzionamendua

Bakarkako lana

Txostena: txukuntasuna, diseinuaren originaltasuna, eragileen diseinua

Proiektua: bukaera, funtzionamendua eta neurriak

Epeak bete diren ala ez

Bilatutako estrategiak arazoak konpontzeko.