Harri-Zulatzaileak - Bi taldeek lehen postuan amaitu zuten

Arboleda eta Ortuella berdinduta geratu ziren

Jon Leunda. DONOSTIA

Arboledak eta Ortuellak lehen postuan berdinduta amaitu zuten, herenegun arratsaldean Abantoko Las Carrerasen jokatu zen Mehatzaldeko Harrizulatzaileen Ligako bigarren jardunaldian.

Urte askotan desagertuta egon den kirol mota honek ikusmin handia sortzen du, eta larunbatean ere ez zen zale faltarik izan saioa ikusten.

Ez da normala izaten horrelako saioa batean bi talde berdinduta geratzea, baina Ortuellak eta Arboledak sei zulo eta zazpi zentimetro egin zikioten harriari. Hirugarren postuan amaitu zuen Gallartak, lehen jardunaldiko irabazleak, bost zulo eta 7'5 zentimetro, eta laugarren geratu zen, aurrekoan bezalaxe, Abantoko taldea 4 zulo eta 2 zentimetrorekin. Orain arte ikusitakiaren arabera, badirudi Ligako txapela Arboleda, Ortuella eta Gallartaren artean izango dela, Abanto baino hobeak izan baitira lehen bi jardunaldietan. Azken talde honek, jokatu diren bi saioetan azkena amaitu du.

Honako talde hau plazaratu zuen Arboledak: Rodriguez, Carrillo eta Garcia. Ortuellak, berrik, honeko hauek: Fernandez, Sa, Txapi eta Manrique. Txapelketa honi dagokion hirugarren jardunaldia Gallartan izango da ekainaren 10ean. Bi asteko atsedena izango dute, beraz, kirolariek.

  © godelet, 2001