Euskal Abizenak  
 

 
Aurreko aleak: Heraldika, Genealogia eta Nobiliariazko seihilabetekaria
IRUÑEA-PAMPELUNE-PAMPLONA - 2. Zka - Uda 2002
  Atalak
Azala
Heraldika
Etimologia
Genealogia
Nobiliaria
Erroldak
Artxiboak
Hemeroteka
Liburuak
CD-ROMak
Softwarea
Webguneak
Foroak
Leinuak
 
  Bidal itzazu zure iruzkinak eta iradokizunak:

e-abizenak@ euskalnet.net  
 
 

  castellano français

CD-ROMak

Cédéroms - CD-ROMs
Gipuzkoako abizenak
Lope Martínez de Isastiren
«Compendio Historial de Guipúzcoa» (1625)
Lola Duque de Estrada
 

Atalak - Iruzkina  

Duela bi urte Frantzian egin zen Genealogia Nazioarteko Biltzar batean Pere Anselmeren CDa eskuratu nuen. Handik itzuli nintzenean, argitaratze modu honek genealogistoi ematen zigun laguntza handiaz oharturik, Interneten sistematikoki bilatzeari ekin nion, ea Espainian gure lan genealogiko hoberenekin antzeko zerbait egiten zen ikusteko. Eta hala aurkitu nuen LIZARDI Multimedia eta haren CD bikaina: "COMPENDIO HISTORIAL DE LA M.N. Y M.I. PROVINCIA DE GIPUZKOA" 1625ean Lope de Isastik doktoreak idatzitako liburuan oinarritua.

ATALAK

CDaren abiapuntua Lope de Isastiren lana da, honen sei liburuak osorik ematen ditu "Compendio Histórico de Gipuzkoa" (Gipuzkoako Historiaren Bilduma) izeneko atalean, lanaren jatorrizko egituraren arabera. Gainera LIZARDIk hainbat sail sartu ditu datuak errazago erabiltzen ahal izateko, bestela datuak lanean barreiaturik agertzen baitira. Era honetako hauek aurki ditzakegu:

"Del escudo de armas de Gipuzkoa" (Gipuzkoako armarriaz). Bertan armarri zaharra, Juana erreginak emana, eta gaur egungoa ikus ditzakegu.

"De las Casas Solariegas y de apellido" (Etxaldeez eta abizenez). Liburuko izen bereko atala emateaz gain, bilatzaile argi eta erabilgarri bat sartu du, Gipuzkoako herriak eta hiriak, haietako etxaldeak eta dagozkien leinuak aise aurkitzen ahal izateko.

"De las villas y lugares" (Hiriez eta lekuez). LIZARDIk gehituriko tresnarik esker, XVII. mendeko hirien eta lekuen deskripzioa eta haien ordu arteko historia erraz aurkitzeko aukera ematen du.

"De las Ordenes Militares o de Caballería" (Militar Ordenez eta Zaldungoez". Orden bakoitzaren azalpen txiki bana eta garai hura arte bertan sarturik egon ziren gipuzkoarren errolda ematen ditu.

"De las casas de los Parientes Mayores" (Ahaide nagusien etxaldeez). Ahaide Nagusiak zer ziren, haien arteko gerlak: Oñatiarrak eta Ganboatarrak, eta alde bakoitzean zeuden leinuak.

"De la nobleza y la hidalguía en Gipuzkoa" (Gipuzkoako nobleziaz eta aitonen semeez). Izen hauen azalpena eta Espainiako beste lekuetako aitonen semetzekin dauden diferentziak.

"De la siginificación de insignias y divisas" (Ikurren eta leloen esanahiaz). Hiztegi modukoa, armarri bat osatzen duten irudi eta kolore bakoitzeko esanahiaren azalpen txiki batekin.

"De la gente notable que hay en Gipuzkoa" (Gipuzkoan dagoen jende ohargarriaz). 1625 arte Gipuzkoan bizi izan ziren eta bizi ziren pertsona ohargarrien zerrenda ematen du. Atal hau, berez, oso garrantzitsua da genealogista batentzat. Eta, gainera, LIZARDIk areagotutako bilatzaileak azkartu egiten du, datuak izenaz, abizenaz, lanbideaz eta herriaz aurkitzea laguntzen baitu, eta ikerketa neurri handian errazten.

"Armorial Digital" (Armarri bilduma digitala). Leinu bakoitza bere armarriarekin eta honen azalpenarekin ikus daiteke, azalpena dagoeneko liburuko atala aipatuz. Azterketa errazten duen bilatzaile azkar bat ere badu.

IRUZKINA

Lope de Isastiren lanaren garrantzia denok dakigu. LIZARDIk eskaintzen digun haren argitalpen digital bikainak hartan aztertzea eta egileak bere garaian bildu zuen informazioa ateratzea anitz errazten ditu. Jatorrizko lana irakurtzea plazer bat izaten bada beti ?esan dugun bezala, CDak osorik jasotzen du?, LIZARDIk lortutako datuak ordenatzeko eta azaltzeko argitasunak, bilatzeko tresnek, eta aurkezpen bikainak lan honi etekin handiena ateratzea ahalbidetzen dute. Genealogia zaletuentzat eta profesionalentzat, Historia ikertzen duten guztientzat eta, orokorrean, Gipuzkoa gehiago eta hobeto ezagutu nahi dutenentzat lan hau ezinbesteko erreferentziez beteta dago.

Itzuli gora
 
Atalak - Iruzkina  

    Artikuluen egileak dira hauen gaineko eskubideen jabeak
Copyright© 2001-2002 Lizardi Multimedia