ARTXIBOAK

Archives - Archivos - Archives - Archive - Archivi - Archivos

Gipuzkoako Junta eta Aldundietako Artxibotik sortu zen. Artxibo hura XIV. mendean eratu zen, eta hasiera batean ez zuen kokaleku iraunkorrik. 1530eko maiatzaren 4an, Zumaian bildutako Junta Orokorrak haren egoitza Tolosako Santa Maria elizan ezartzea erabaki zuen. 1904an, gaur egun betetzen duen etxera eraman zuten, Aldundiak horretarako, berariaz, egindako eraikin batera, alegia. XX. mendean zehar, Artxiboari Gipuzkoako Erregeordetzako agiriak, Tolosako notario eskualdeko protokoloak, eta zenbait bilduma publiko zein pribatu gehitu zizkieten. 1986 eta 1990 bitartean eraikinak hainbat berritze lan jaso zituen.

ORDUAK

Goizez: Astelehenetik ostiralera. 08:30etatik 14:00etara.
Arratsaldez: Astelehenetik ostegunera. 15:00etatik 17:30etara. Udan izan ezik (ekainetik irailera).

HELBIDEA

GIPUZKOAKO ARTXIBO OROKORRA
San Frantzisko ibiltokia, 2
20400 Tolosa (Gipuzkoa)

Tel.: +34 943650806
Fax.: +34 943650174
E-mail: AGG-GAO@kultura.gipuzkoa.net

ZERBITUZAK

Sarrera doan. Erabiltzaile txartela behar da (txartela neurriko bi argazki eman), Oñatin dagoen Gipuzkoako Protokoloen Artxibo Historikoko (AHPG-GPAH) txartelak ere balio du. Lehen aldiz sartzeko NAN edo parekoa onartzen dute.

Kontsultak bertan, telefonoz, postaz edo interneten bidez egin daitezke.

Fotokopiak, argazkiak, eta kopia ziurtatuak ematen dira, egoitzan bertan edo postaz ordaindu ondoren.

INSTALAZIOAK

Baditu liburutegia, irakurketa gela, inbentario gela eta erabilpen askoko gela. Haietan badaude mikrofilm eta mikroafixa irakurleak, Wood argia, eta begiratzeko konputagailua.

FONDOAK

Juntak eta Aldundiak
Gipuzkoako Juntek eta Aldundiek sortutako eta jasotako agiriak, XV. mendetik aurrera. Interes berezikoak: aitonen semeen ziurtagiriak, ongizate agiriak eta soldadutzatik libratzeko agiriak.

Erregeordetza
Erregeordeak (erregeren ordezkoa Gipuzkoan) sortutako eta jasotako agiriak, XV. mendetik 1841 arte, urte hartan kargua deuseztatu baitzen. AGG-GAOean 1907an sartu ziren (lehen Donostiako Aldundiaren jauregian eta Azkoitiko zenbait lekutan egon ziren). Interes berezikoak: auzi zibilak, ondasunak bahitzekoak, zorra jasotzaileen konkurtsoak, eta auzi kriminalak.

Tolosako notario eskualdeko protokoloak
Eskualde honetako idatzi bermeak gordetzen ditu XVI. mendeko hasieratik. Gipuzkoako gainerako notario eskualdeetakoak Oñatin gordetzen dira.

Beste artxiboak eta bildumak
Interes berezia dute herrietako Aitonen semeen bildumek, artxibo karlistak, Mandasko dukearenak, Allende Salazarrenak eta Zurbano, Gaztañadui eta Kerejazu etxekoek.