SOFTWAREA

Logiciels - Software

PAF (Personal Ancestral File) zuhaitz genealogikoak egiteko programa bat da eta mormoien (Jesukristoren azken egunetako sainduen Eliza) web orritik dohainik jaits daiteke. 5.1. bertsioa atera dute dagoeneko (Palm sakelako konputagailuentzako euskarria dauka honek), gazteleraz nahi izatekotan 4.3. bertsioa da azkenekoa (euskaraz ez omen dago).

IRUZKINA

Legacy 3.0 erabiltzen hasi nintzen, baina oztopo asko aurkitu nituen, hasteko eta bat, hizkuntza (ingeleraz baitago). Gero PAFera aldatu nintzen eta bikain nabil harekin. Batzuek ateratzen dioten oztopoa, abizen bakarrarekin lan egiteko prestaturik dagoela, alegia, ez da oztopo bat, abizen bat sartu beharrean biak sar baitaitezke bat bakarra balira bezala.

ERREGISTROAK

• Jaiotza, ezkontza eta heriotza lekuak.
• Pertsona horri buruz idatzi nahi diren historiei eta ingurukoei buruzko oharrak.
• Argazkiak, eta are pertsonaren ahotsaren grabazioak, musika etab.
• Seme-alaben kopuru mugagabea sar daiteke.
• Ezkontza bat baino gehiago sar daitezke.
• Guraso biologikoez gain, adopziozkoak, tutoreak eta sar daitezke.

DATUEN AURKEZPENA

• "Zuhaitz genealogikoa" erakustea, pantailan bost belaunaldi arte ikus daitezke (ikertzen ari den lagunarengandik, bere aiton-amonen aiton-amonenganaino).
• "Familiaren bista" honetan ikusten dira senar-emazteak haien seme-alabak eta aita-amak, eta senar-emazte haien datuak, jaiotzak eta heriotzak.

TXOSTENAK AURKEZTEA

"Txostena inprimatu" taulan aukera ugari daude. Niretzat hauek dira interes handienekoak:

• Zuhaitz genealogikoa, Aurrekoak, Ondorengoak eta Liburua.
• Haiek guziak edozein artxibo motan inprima eta gorde daitezke.
• Liburuak lagun baten aurrekoei eta ondorengoei buruz idatzitako guzia darama.

INDARGUNEAK

Zerrendan sarturiko edozein pertsona orduan bertan grabatzen deneko abantaila handia dauka. Ez dago ahanzterik, eta konputagailu bat-batean itzaltzen bada ez du axolarik, ez da galtzen.

• Nahigabe ezinezko datak sartzen direnean ohartarazten du, esanez "bera jaio zenean bere amak 5 urte zituen" edo antzekorik.
• Herri bereko ahaide batzuk daudenean, hau idazten hasterakoan, bere kabuz agertzen du herriaren izena.
• Lanean denbora asko ematean, konputagailuak berak babeskopia egiteko eskatzen du.

AHULGUNEAK

Arazo txiki bat aurkitu dut. Ondorengoen liburua egitean, "izen bakoitza" aukeraren ondoan, parentesi artean, horren aurreko guzien izenak agertzen ditu. 30 belaunaldi badaude, 30 aurrekoen izenak agertzen dira eta liburu argitaratzeko datu haiek eskuz ezabatu behar dira.