Euskal Abizenak  
 

 
Aurreko aleak: Heraldika, Genealogia eta Nobiliariazko seihilabetekaria
IRUÑEA-PAMPELUNE-PAMPLONA - 1. Zka - Negua 2002
  Atalak
Azala
Heraldika
Etimologia
Genealogia
Nobiliaria
Erroldak
Artxiboak
Hemeroteka
Liburuak
CD-ROMak
Softwarea
Webguneak
Foroak
Leinuak
 
  Bidal itzazu zure iruzkinak eta iradokizunak:

e-abizenak@ euskalnet.net  
 
 

  castellano français

GENEALOGIA

Généalogie - Genealogía - Genealogy - Genealogie - Genealogia - Genealogia
Genealogia
Christine Fagalde
DEFINIZIOA

Genealogia familien osaketa ikertzea eta haien jatorria bilatzea helburutzat duen zientzia da.

Gaur egun genealogia aski hedaturik dago, genealogista amateurren kopurua nabarmen handitu da. Beraien sustraiak ez ezik, haien arbasoen historia eta bizi baldintzak ere ezagutu nahi ditu jendeak: haien lanbideak, haien jabetzak, erlijioa; beraien abizenaren esanahia eta nondik norakoak. Beraien arbasoak ezagutu ondoren, haien guzien ondorengoak bilatzen dituzte. Bilaketa honek bestengusu eta ahaide txiki asko ezagutzera eraman dezake.

Zenbait urtetatik hona, Internetek anitz erraztu ditu genealogi trukaketak. Hemen errekurtso iturri bat aurki daiteke: geneanauten orrialde pertsonalak, elkarteak, software, datu baseak, eztabaida zerrendak, foroak, elkar laguntza.

Baina geronen genealogia opatzeko ez dago itxoin beharrik. Genealogia guzia "bertako lanez" egiten da, gure familietan miatuz, Udaletxeetan, artxiboetan, gure arbasoen udalerrietan.

ZUEN AURREKOEN BILA ABIA ZAITEZTE: LEHEN BELAUNALDIAK (MENDE BAT)

Bilaketari ekiteko. Genealogistak bere etxean, edo bere familia hurbilenarenean, aurki ditzakeen agiri guziak biltzen ditu. Bere gurasoei, aiton-amonei, anai-arrebei edo ahizpei, osabei eta izebei buruzko datuak eman ditzakeen pertsonari orori galdekatzen dio. Dena apuntatu behar du, ñabardura ttiki batek garrantzirik gabeko irudi dezake hasiera batean, baina zenbait hilabeteren buruan premiazkoa suerta daiteke.

Oso eraginkorra da adinekoekin argazkietako albumak aztertzea. Haiek, oso maiz, kontakizun anitz jakiten dituzte beraien bizitzaz. Abizenak aiseago oroitzen dituzte.

Gure arbasoen bizi modua ezagutzeko, agiri guziak dira interesgarriak.Dena behar da kontsultatu, eta kontuz gorde: famili liburuak, posta, notarioen aktak, heriotza abisuak, eskolako kartilak, soldadutzakoak, egutegiak, argazkiak...

Familiak bizi izan direneko herrietako hilerriak bisitatzea ez da ahantzi behar. Familiaren hilobian eta erregistroetan ezarritako abizenak agertuko dizkigu.

Argibide hauek jaso ondoren, erregistro zibileko familiaren aktak bilatuko dira. Arbaso bakoitzeko jaiotza, ezkontza eta heriotza aktak jasoko dira. Frantziar estatuan, ehun urte baino gutxiago duten jaiotza eta ezkontza agiriak ezin ditu nornahik jaso. Ondorengo zuzenek bakarrik eska ditzakete, ikertzen ari den pertsonarekiko ahaidetasun lerro zuzena frogatuz. Bertzenaz, dagokion Herriko Etxeari zuzentzen ahal zaizkio; udalari idatzi behar diote aktaren kopia osoa eskatuz, gertakizunaren data zehaztuz, eta honekin batera gutun azal bat atxikiz, beraien helbidearekin eta zigiluarekin.

HURRENGO BELAUNALDIAK (XIX MENDETIK ATZERA)

Bilaketaren bigarren atala gure arbasoen udalerrietako artxiboetan egiten da. Hemen notario aktak eta akta zibilak kontsulta daitezke. Frantziar estatuan, 1792 baino lehenagoko jaiotza, ezkontza eta heriotza erregistroak eliz parrokietan egoten dira. 1792tik aurrerakoak Herriko Etxeetan daude. Artxiboetan 1901. urtea bitarteko erregistroak kontsulta daitezke, eta XVII. mendearen hasieraraino atzera dezakegu. Udaletako eta Departamenduetako artxiboetan ere badaude erregistroak. Ia erregistro guziak mikrofilmaturik daude. Honi esker ikerlarien lanak ez ditu kaltetzen.

Gure arbasoen bizi modua ezagutzen lagunduko duen agiri kopuru handia dago barreiaturik. Artxiboak errekurtso iturri bat dira. Ez dugu zalantzarik izan behar artxibozainengana joateko; guri aholkuak emateko eta agiri zoragarriak edireten laguntzeko daude han.

ONDORIO GISA

Genealogia lan zehatza da. Genealogistak pazientea, ernea, ongi antolatua izan behar du. Datu guziak hautatzen dira, fitxategietan gordetzen dira, zenbatzen dira, familiaz sailkatzen dira edo genealogia programa batean sartzen dira. Ondoren ustiatu behar dira, familiaren kide bakoitzari etekin handiena ateratzeko. Horretarako zenbait metodo badaude: zuhaitz genealogikoa egitea, familiaren historia idaztea, Interneten kokagune genealogiko bat sortzea, familiaren bilera bat antolatzea.

Hona hemen bilaketa genealogikoei buruzko ohar txiki bat. Datu pila bat gelditu zaizkigu garatzeko eta zehazteko: bilaketa teknikak, antolakuntza, sailkapen metodoak, behar den materiala, agiriak, Interneten erabilpena, genealogia programak...

Bukatzeko, hona hemen Internet leku batzuen helbideak, zuen bilaketan oso lagungarri suerta dakizkizuekeenak. Anitz daude, denak ezin ditu hemen aipatu, baina sarean ibiltzea gehiago aurkituko dituzue.

Itzuli gora
    Artikuluen egileak dira hauen gaineko eskubideen jabeak
Copyright© 2001-2002 Lizardi Multimedia