|
URL: http://fr.groups.yahoo.com/group/genea64
Genea64 ez da foro bat zentzu zorrotzean, "posta
zerrenda" bat baizik; hau da, mezuak posta elektronikoaren
bidez bidaltzen ditu.
1998ko abenduaren 13an sortu zuten, Genealogia ikertzen
sakontzeko, Frantziar estatuko 64. departamentuan (Pyrénées-Atlantiques);
departamentu honek Ipar Euskal Herria eta Biarno hartzen
ditu. Beraz, ez da soilik euskal abizenei buruzko zerrenda
bat, jatorri biarnesezko abizenak ere lantzen baititu. Hizkuntza
nagusia frantsesa da, baina, oso gutxitan, mezuak bertze
erdaretan agertzen dira (gazteleraz edo ingeleraz). Ohar
hau idazten tenorean 313 kidek osatzen dute zerrenda.
IZENA EMAN
Zerrenda honetan sartzeko, eta, hortaz, mezuak jasotzen
eta igortzen ahal izateko, izena eman behar da, genea64-subscribe@yahoogroupes.fr
helbidera e-mail bat bidaliz. Ordutik (ongi etorri mezu
baten ondoren) zerrendako kideek elkarri igortzen dizkieten
mezuak jasoko ditugu.
MEZUAK IGORRI
Zerrendari mezu bat igortzeko genea64@yahoogroupes.fr
helbidera zuzendu behar zaio. Baina mezua bakarrik hedatuko
da lehenik izena eman badugu.
Nolanahi ere, idazteari ekin baino lehen, behaketa aldi
bat egitea on da, foroa nola ibiltzen den ikusteko. Lehenagoko
mezuak irakurtzea ere Interesgarria da, horrek gure zalantza
batzuk argi bailitzakete.
ZERRENDATIK ATERA
Zerrendak ez badigu laketzen, edo ez badugu gure postontzia
gehiegi zamatu nahi (oporretara goazelakoz edo denbora batez
posta irakurri nahi ez dugulakoz) zerrendatik atera gaitezke,
horretarako mezu bat igorriko dugu: genea64-unsubscribe@yahoogroupes.fr
helbidera.
|
