Euskal Abizenak  
 

 
Aurreko aleak: Heraldika, Genealogia eta Nobiliariazko seihilabetekaria
IRUÑEA-PAMPELUNE-PAMPLONA - 1. Zka - Negua 2002
  Atalak
Azala
Heraldika
Etimologia
Genealogia
Nobiliaria
Erroldak
Artxiboak
Hemeroteka
Liburuak
CD-ROMak
Softwarea
Webguneak
Foroak
Leinuak
 
  Bidal itzazu zure iruzkinak eta iradokizunak:

e-abizenak@ euskalnet.net  
 
 

  castellano français

ARTXIBOAK

Archives - Archivos - Archives - Archive - Archivi - Archivos
Baionako Udal Artxiboa
Xavier Cabantous
ORDUAK

Astelehenetik ostiraleraino.
10:00etatik 12:00etara eta 13:00etatik 18etara.

HELBIDEA

Udal liburutegiaren kokalekuan, lehenengo solairuan, katedraleko plazaren aitzinean.

Baionako Udal Artxiboa
Gouverneurs karrika
64100 BAIONA
http://www.ville-bayonne.fr/bayonne-fr/culture/archives.htm

AZPIEGITURA
  • Mikrofilmak irakurtzeko tresna bat (1), Baionako mikrofilmeri zuzenduta (ziurrago ibiltzeko erreserbatze komeni da).

  • Fotokopiagailu irakurgailu bat (1) (fotokopia bakoitza 2 liberatan) eta irakurgailu huts bat (1), hilabete bat edo bi lehenago erreserbatu behar da, 13:30etatik 14:00etara erabil daiteke.

Ez dago fotokopiak egiterik.
Flashik gabeko argazkiak egin daitezke.
Konputagailu eramangarriak erabil daitezke.

OINARRIZKO ORNIKUNTZA

Agiriak artxiboan bertan kontsulta daitezke. Eskabideak ordu erdiro egiten dira, eta gehienez bortz (5) agiri eska dezake pertsona bakoitzak.

Artxibo honek Baionak, Espiritu Sainduko (lehen udalerri bat zen) eta Arribe-Lapurdiko Doneztiriko parrokiako agiriak ditu (azken biak orain Baionako auzuneak dira).

Iraultza aitzineko (1789) parroki erregistroak mikrofilm formatuan ikuska daitezke bakarrik

Iraultza ondorengo egoera zibilei buruzko erregistroak (Erregistro Zibila) bai mikrofilmean (fotokopia egiteko aukera badago) nola jatorrizko agiriak kontsulta daitezke.

Era berean, artxiboak Baionako barrutiko herrietako mikrofilmak gordetzen ditu, hau da, Lapurdikoak eta Behe Nafarroako zenbait herritakoak, bai parroki erregistroak eta erregistro zibilak.

Ipar Euskal Herriko gainerako herrietako agiriak (Behe Nafarroako bertze zenbait herritakoak eta Zuberoakoak) Pabeko Departamentuko Artxiboan kontsultatu behar dira.

Pabeko Departamentuko Artxiboak mikrofilmak maileguan ematen ahal dizkio Baionakoari, lau astez; aldi bakoitzeko 2 mikrofilma, 50 liberetan, gehiago edo gutxiago.

Ipar Euskal Herriko notario agiriak ere Pabeko artxiboan altxatzen dira, baina Baionakora lau astez eraman daitezke. Maileguak hilean behin egiten dira, hilabete hasieran beti; hortaz, agiriak eskatu behar dira, gehienez bina pertsonako, aurreko astean. Zerbitzu hau dohainekoa da.

Baionako, Espiritu Sainduko eta Doneztiriko Bataio, Ezkontza eta Ehorzte (BEE) agiriak zuzenean kontsulta daitezke.

Bertze erregistro berezi batek iraultza aitzinako bataioak, ezkontzak eta ehorzteak jasotzen ditu, abizenez ordenaturik, Baionako familien erregistroak, alegia. Azken hau eskatuz gero kontsulta daiteke.

Lerro honetan genealogistarendako erabilgarriak izan daitezkeen oinarrizko errekurtsoen azalpena bertzerik ez da egin, baina artxiboan anitz gauza gehiago dago.

Oharra: Ehun urte baino gutxiago duten Erregistro Zibileko agiriak ez dira publikoak Frantzian, baina ondorengoek informazio hura eska dezakete zuzenean udaletan.


Itzuli gora
    Artikuluen egileak dira hauen gaineko eskubideen jabeak
Copyright© 2001-2002 Lizardi Multimedia