" Bermeotarrak" fanfarrea


 

 "Bermeotarrak" fanfarrea Egitaraua
Kideak Argazkiak

 

Entzun eiguzu!

Rigodón nº1

Entzun eiguzu!

La Première

 


" Bermeotarrak" fanfarrea

  Kalejira, beherazkada, tanborrada, prozesio, etab.-en bidez 

25 urte Bermeo alaitzen

 

Bermeotarrok "fanfarridse" edo "txarangie" lez ezagutzen dogun talde musikal hau 1978an sortu zan. Lagun talde baten amets hau Jose Antonio Egiaren eraginez burutu zan, bere lehenengo agerpen publikoa urte horretako Olentzaroaren ibilaldian izan zalarik. Ordutik hona, Bermeotarrak fanfarrea herriko kaleak alaitzen izan dogu.

Hasiera baten txirula, akordeoi eta haize instrumenturen bat ziran erabiltzen ebezanak. Gaur egun, barriz, musika banda txiki baten itxura dauka, antzina ziran música de aficionados batena, batez be mentalidadean. Hori izan da beti Bermeotarrak taldekoen asmoa: euren musika zaletasunari urteera bat emon eta herriari adieraztea. Horregaitik talde honen eraketearen eragina ilusioa da, bakotxaren ahalegina eta gustua, gauza guztiak alkartasunean eginez. Hau da, errepertorioa aukeratu, entsaiatu eta kalera urten. Guztien iritziak kontutan hartuta eta inork ezertara behartu barik. Esandakoa eta Bermeori deutsen maitasuna dira talde musikal honen motorra.  

Hogeita bost urte honeetan jende askok hartu dau parte Bermeotarrak fanfarrean. Batzuk joan, beste batzuk etorri, gaur egun 17 musikazalek osotzen dabe taldea: lau perkusionista, tuba, tronboi bi, bonbardinoa, tronpeta bi, saxofoi tenorra, saxofoi altua eta bost klarinete. Hamazortzigarren kidea legez, Poli Larrinaga dogu. Bermeotar ezagun honek, Ohorezko klarinetea titulua hartu dau taldearen barruan eta omenaldi bat ere jaso eban orain urte batzuk, bere bizitza osoan musikaren alde egindako lan zabala goraipatzeko. Orain kalera urteten ez dauan arren, Polik taldeagaz bat eginik jarraitzen dau.

Denbora luze honetan ia-ia ez da egon gure herrian Bermeotarrak fanfarrearen musikak lagun egin ez deuskun jai egunik: San Juan bezpera, Madalen bezpera eta eguna bera, Andramariak, Santa Zezilia, Gabonak, Haratuzteak... Gitxi ez bada be, Aste Santuko prozesioetan, tanborradan, Hiru Erregeen ibilaldian eta beste hainbeste ekintza ofizial eta sozio-kulturaletan ere parte hartzen dau fanfarreak urte barruan.

Bermeotik kanpo ere izan da Bermeotarrak fanfarrea. Esate baterako, Bilbo, Gasteiz, Donibane Lohitzun eta Bizkaiko eta Arabako hainbat herritan. Azpimarratzekoa da, herriko musikazale talde honek, ez dauala (ezta gura be) inongo erakunderen diru laguntzarik. Kalejira edo ekintza bakoitzean parte hartzeagatik kobratzen dabenetik bizi dira. Batzen daben diru guztia taldearentzat da: instrumentuak erosi edo barritzeko, euren egoitza mantentzeko edo taldearen onerako dan edozertarako. Taldearen barruan inork ez dau dirurik altzatzen, taldean sartzen diranak zaletasunagatik dagoz-eta. Baina horrek ez dau gura esan guztia dala sakrifizioa, ez. Santa Zezilia eguneko afaria, esate baterako, dohan izaten da, taldeko fondotik ordainduta.

Bermeotarrak musikazaleek, taldeko errepertorioa osotzeko lan sakona egin dabe urte guzti honeetan. Esku-iskribuak handik eta hemendik aurkituz eta pazientzi handiagaz ordenatuz, hainbat konposizio berreskutatu dabez. Batzuk Bermeon berton konposaturikoak edo konpondutakoak eta José Franco maisuaren bandak jotzen ebazanak XX. mende-hasierako bermeotarrentzat. Hau dala eta, jotzen dabezan konposizioen artean, Franco, Furés, Solabarrieta, edo modernoagoak diran Erauzkin, Egia eta abarren lanak aurkitzen dira. Lan ixila, baino fruitua emoten dauana. Hogeita bost urte luze honeetan, Bermeotarrak fanfarreak bete dauan lan sakon honetan, Bermeoko kanta zaharrak berreskuratu dabez. Horra hor esate baterako, Bermeoko Udalaren Euskera zerbitzuak eta Euskeraz Berbetan taldeak 1996an antolaturiko Bermeoko kuadrilen arteko antzinako kanten lehiaketan, irabazitako bigarren saria.

2003an taldeak bere 25. URTEURRENA ospatu eban. Hori dala-eta ekintza bereziak antolatu euskuzan fanfarreak, besteak beste, musika banden alarde arrakastatsu bat, Bermeoko Nazioarteko Musika Astean kontzertu berezi bat, argazki erakusketa bat edota kide ohien eta laguntzaileen omenez bazkari bat.

 

 

Menura itzuli


Kideak

Izen-abizenak

Instrumentua Argazkia
Biotz Fradua Agirre Klarinetea
Markel Fernández García Klarinetea
Saioa Gangoiti Gabantxo Klarinetea
Etor E. Lucio Eceiza Klarinetea
Rakel Fernández Allika Klarinetea
Jesus Dios Leciñana Saxo altoa
Aitor Beitia Esteban Saxo tenorra
Sabino Gómez Mujika Tronpetea
Ander Bilbao Arruti Tronpetea
Alberto Astui Zarraga Tronboia

Ander Atxikallende López Tronboia
Aingeru Astui Zarraga Bonbardinoa
David Alonso Corta Tubea
Víctor Mallabiabarrena Petrina Perkusiñoa
Gaizka Beitia Esteban Atabala
Egoitz Zarallo Aurtenetxe Bonboa
Josu Ander Arruabarrena Blanco Txindatak

 

 

Menura itzuli


Egitaraua

 

- Hiru Erregeen Kabalgata (urtarrilaren 5ean)

- ALKARTASUNA dantza taldeari lagunduz, Lantzeko ihauteria kalejira (2004)

- Aratuzte martitzeneko kalejirea (otsaila/martxoa)

- Aste Santuko Prozesiñoak (1998-2003)

- Bermeoko Arrain Azokan kalejirea (maiatza)

- San Juan bezperako kalejirea (ekainaren 23an)

- Madalen bezperako kalejirea (uztailaren 21ean)

- Madalen eguneko prozesiñoa, aurresku eta biribilketak eta beherakadea (uztailaren 22an)

- Bakioko ITSAS-ALDE dantza taldearen jaialdia (2004.ko abuztua)

- Kalejirea eta dantzaldia Mundakako Euskal Jaian (2004.ko abuztua)

- Andra Mari bezperako kalejirea, aurresku eta biribilketak eta beherakadea (irailaren 7an)

- Garaiko musikea Bermeoko Erdi Aroko azokan (2004.ko urria)

- Santa Zeziliako kalejirea (azaroa)

- Gabonetako mezak (abendua)

- Gabonetako kalejirea (abenduaren 24an)

 

 

 

Menura itzuli