Asteburu hontan ere, Martxoaren 9an, Gaztelu 3 leizean haritu gara lanean. Iadanik bertan egin beharreko lanak amaitu ditugula esan dezakegu, ia leize guztia berrikusi baitugu eta egin beharreko topografia guztiak eginak ditugu. Orain bertan dagoen material guztia kampokaldera ateratzea falta da.
Leize honen birresplorazio honetan eginiko aurkikuntza nabarmenena Naroa galeria da. Galeria berri hau benetan ikusgarria da. Argazkiren bat eskuetan izan bezain pronto jarriko dugu sail honetan.
 
 

Gomistegiko kobara bisitaldia

Irteera honek izugarrizko arrakasta izan zuen. Aloñako tontorrean egondako mendizale asko gerturatu zen Aloñako magaletan barrena zer eskutatzen den ikustera. Gerturatu zen gehiengoa Oñatiarra izaki, inor gutxik ezagutzen zuen Gomistegiko inguruek gordetzen dituzten sekretuen berri. Hona hemen argazki batzuk.

Erreskate simulazioa Degurian

Euskal Espeleo Laguntzak erreskate simulazio bat antolatu du Urriaren 20rako Degurian Aloña Mendi Espeleologia Taldearen laguntzaz. Euskal espeleologiak Eusko Jaurlaritzako barne sailarekin duen hitzarmen bati ezker sortua da EEL, eta erreskate talde hau da kobetan gertatutako istripuetan lanean haritzen dena.

Erreskate egunean egin zuen eguraldi petralari aurre eginez, Araotzen bildu ginen espeleologo guztiek lan bikaina burutu genuela esan daiteke. Aurrez planteiatutako helmuga lortu genuen, meandro eta putzu sakonez jositako leize hestu baten barrenetik kamila edo ohe txikia ahalik eta bizkor eta seguruen ateratzea. Argazkiotan ikusi ahal da lehen taldea kamila barrenera eramateko prestatzen eta leizearen kanpoaldean geneukan kontrol postua, barnekaldearekin telefono bidez komunikatuta.