Ana Belén Elorza gaztetatik "Itsas-Soinua" (Lekeitio) abesbatzeko kide izan genuen (1972-1982). Urte hauetan zehar, kantu ikastaroak eduki zituen gaur egunean Bilboko "sociedad Coral" delakoaren zuzendaria den Gorka Sierrarekin. 1989.urtean, Deustuko Unibertsitateko "Filosofi eta Letrak" lizentziatura lortu eta jarraian Donostiako Kontserbatorioan musika ikasten ihardun zuen. Garai honetan sartzen da Donostiako Orfeoiaren kide bezala ere, kantoko irakasle Isabel Alvarez izan zuelarik. 1989-1991 urteen artean, kantoko ikasketetan sakondu zuen Charles Brett abeslari eta irakaslearekin, "Royal Academy of Music"en, Londresen.

1987.a geroztik, ahots irakaslea  da, gehienbat kantu korala eta antzerki alorra jorratzen dituelarik. Bere iharduera hau, makina bat talderekin lantzeko aukera izan du, hala nola, Tolosako "Hodeiertz"  abesbatza, Hondarribiko  "Eskifaia",  Gernikako "Gaudeamus".. eta "Antzerti"rekin (Instituto de Arte Dramático).

1992.urtean, Philadelphiako "Voice Fundation" delakoan sartu zen kide bezala. Ordudanik, ahots klase monografikoak eskeintzen ditu Baionako "Institute Theatre" eta baita Zaragozako zuzendaritza kurtsoetan Nicol e Corty-Lyiantekin batera. 1993 -1994 ikasturtean, "Harvard" Uninertsitateko Longy Fakultateak eskeinitako "Opera Performance" diploma bereganatu zuen. 1993a geroztik, ahots moduloak eta teknika bokala irakasten ditu dramatizazio masterretan eta baita "Música y Arte" delako sekzioan, Euskal Herriko Unibertsitateko Uda ikastaroen barnean.

Andra Mari Koralarekin 1994.urteaz geroztik ari da lanean.