[ Hasierako Orrialdea ]  [ Zerrenda Orokorrak ]

     Mendate baten “zailtasun koefizientea”-z hitz egiterakoan saiatzen ari gara pertsonal eta subjektibo den balore bati objektibo eta unibertsal den balore bat ematea: zer da zailagoa, hau da, zer egiten zaigu gogorrago igotzeko, kilometro bateko aldapa jarrai bat % 10eko maldaz edo 3 kilometrotako igoera bat % 3ko batez-besteko maldaz?

     Erantzun guztiak jakingo bagenitu konturatuko ginateke nola ez da bat ere erreza denok ados jartzea. Altimetrien gaiaren zaleak bazarete kontutan hartuko zenukete,  seguraski, nola gogortasuna neurtzeko hainbat koefiziente ezberdin dauden, ia bat autore bakoitzeko. Batzuentzat Mortirolo-a l’Angliru (Gamonal) baino gogorragoa izango da, eta beste batzuentzat Veleta (Sierra Nevada) gogorrena izango da duen 41,35 kilometrotako luzaera kontutan izanda.

     Hau esan eta gero, denok ados gauden horretan, goazen azaltzera nola lortzen dugun gure koefizientea.

     7 urte baino gehiago eman ditugu etengabeko igoerak egiten, era askotako lagunekin,  eta gai honetaz orain arte argitaratu den guztia arreta handiz irakurtzen, azkenean gure koefizientea sortzeko.

      Denbora guzti hau eta gero, eta hainbat txirrindulariekin hitz egin ondoren, uste dugu gakoa hurrengo honetan dagoela: zer du garrantzi handiago koefizientea egiterakoan, igoeraren luzaera eta, nolabait, erabilitako denbora edo zati bakoitzeko portzentaia eta desnibela guztira?

     Gure koefizientean gauza biak kontutan hartzen ditugu, baina igo behar ditugun malda gogorrei garrantzi handiago emanez. Eta hau honela egiten dugu zeren eta gu bezalako txirrindulari askok askotan esan digute prestakuntza berezirik gabe erdi mailako portzentaia duten igoerak egiteko gai direla baina ez zirela inoiz ausartuko portzentai handiko maldekin.

     Horregatik, eta erabiltzen dugun taula arretaz aztertzen baduzue konturatuko zarete nola % 5 portzentaietatik gora koefizientearen zifretan progresio bat hasten dela.

     Igotako kilometro bakoitzari dagokion koefizientea aplikatzen diogu, eta kilometro guztiena gehituz mendatearen zailtasun osoa aterako genuke. Horrela, kilometro bakoitzaren zailtasuna kontutan hartzen dugu eta, luzaera osoa baita.. Eta, era berean, koefiziente horretan kontutan hartuta geratuko lirateke bai mendatearen batez-besteko malda eta bai mendatearen desnibela osoa.

     Agian, arraroa egingo zaizue aldapa % 0 denean edota negatiboa denean, 1 koefizientea jartzen diogula, eta hau honela egiten dugu bizikleta gainean jarraitzen dugulako. Beraz, nolabaiteko nekadura sortzen da: pentsa ezazue nekatuta  zoazenean edo lagunak zuretzat arinegi doazenean.

     Neurriak Cateye CC-AT100 altimetro batez jaso ditugu, aldaketak metroz metro ematen dituena. Malden portzentaiak Sky Mounti klinometro batez jasotzen ditugu; klinometro honek % 27ra ailegatzen da.

     Azkenean, erabili dugun taula eskaintzen dizuegu eta Mario Ruiz-ek ateratako koefiziente batzuekin alderatu ditugu. Urdinez kilometro osoaren portzentaia agertzen da eta horiz kilometro horri dagokion koefizientea.

TAULA

TAULA KONPARATIBOA   

     Eta orain, beldur gabe, benetako garrantzia duenari: igoerak egitera, zeren eta zenbat eta mendate gehiago igo hainbat eta errazago egingo zaio bakoitzari bere koefiziente egitea. Baina egia esateko, sortutako edozein koefizientek zifra guztiak soberan izango ditu “igoera atsegin bat” edo “igoera jasaezin bat” bereizteko, azken batean zangoak esango baitigute benetako zailtasuna.

     Eta gogoratu, aldapa guzti horiek zikloturista moduan igotzeko 3 platerrak izatea honena dela (Ulrich, Heras eta Euskaltelek l’Angliru igotzeko erabili zituzten) azken batean denok nahi dugun helburua lortu ahal izateko: urrunago heldu, garaiago, indar gehiagorekin, CITIUS, ALTIUS, FORTIUS. Amen.